თუ ავტომობილს ფლობ და უსაფრთხო მგზავრობა შენთვის პრიორიტეტია, მაშინ საქართველოს ბანკს შენთვის კარგი სიახლე აქვს. ავტოპასუხისმგებლობის დაზღვევის შეძენა ამიერიდან მობილბანკიდანვე შეიძლება. ახალი ფუნქციონალით სასურველი კომპანიისგან სადაზღვევო პოლისის შეძენას ნებისმიერ დროს, ნებისმიერი ადგილიდან მოახერხებ. ამ სტატიაში კი გაიგებ სამ ფაქტს მობილბანკის ახალ ფუნქციონალზე.

1. ირჩევ სასურველ პოლისს და აზღვევ მესამე პირისთვის მიყენებულ ზარალს

ავტოპასუხისმგებლობის დაზღვევა წინასწარ განსაზღვრული ლიმიტის ფარგლებში, ავტომობილის მართვისას მესამე პირისთვის მიყენებული ზარალის ანაზღაურებას გულისხმობს. ეს პროდუქტი როგორც მესამე პირის ქონების დაზიანების, ასევე მისი ჯანმრთელობისთვის მიყენებული ზიანის ხარჯებს ითვალისწინებს. სასურველი პაკეტისა და პირობების შერჩევის შემდეგ, უკვე მობილბანკიდანვეა შესაძლებელი ავტომობილის მართვისას მესამე პირისთვის მიყენებული ზიანის დაზღვევა.

2. მობილბანკის ახალი ფუნქციონალით პოლისს შეიძენ შენთვის ან სხვა ადამიანისთვის

მობილბანკში უკვე შესაძლებელია სასურველი პოლისის რაც შეიძლება სწრაფად და მარტივად შეძენა როგორც საკუთარი თავისთვის, ასევე სხვა ადამიანისთვის.

3. პროდუქტი ვრცელდება ფიზიკური პირების მსუბუქ ავტომობილებზე

ავტოპასუხისმგებლობის დაზღვევა ფიზიკური პირების მფლობელობაში არსებულ ისეთ მსუბუქ ავტომობილებზე ვრცელდება, რომელიც არ გამოიყენება კომერციული მიზნებისთვის. სადაზღვეო პოლისის ვადა 1 წელია. დამატებით დეტალებს კი აღნიშნულ ბმულზე გაეცნობით.

როგორც საქართველოს ბანკში ამბობენ, ავტოპასუხისმგებლობის დაზღვევა ერთ-ერთი ისეთი ინიციატივაა, რომელიც ბანკმა მომხმარებლების სურვილების გათვალისწინებით დანერგა.

"საქართველოს ბანკი აქტიურად აგრძელებს ახალი ციფრული პროდუქტებისა და სერვისების დანერგვას, რათა მომხმარებლებს კიდევ უფრო ყოვლისმომცველი და კომფორტული ციფრული გამოცდილება შევთავაზოთ. ავტოპასუხისმგებლობის დაზღვევის მეშვეობით, მომხმარებელს შესაძლებლობა ეძლევა სხვადასხვა სადაზღვეო პირობებს შორის მისთვის სასურველი პოლისი მობილბანკიდან, მაქსიმალურად სწრაფად და კომფორტულად შეიძინოს. აღნიშნული ერთ-ერთია იმ უამრავ ინიციატივას შორის, რომელსაც ბანკი მომხმარებლის საჭიროებებისა და სურვილების გათვალისწინებით ნერგავს. ჩვენი მიზანია, მობილბანკისა და სხვა ციფრული არხების გამოყენებით, კიდევ უფრო მეტ საჭირო სერვისსა და პროდუქტზე მივცეთ მომხმარებლებს მარტივი წვდომა. გვჯერა, ეს კიდევ უფრო კომფორტულს გახდის ჩვენი მომხმარებლისთვის როგორც საბანკო, ასევე არასაბანკო ოპერაციების შესრულებას. ჩვენ მომავალშიც აქტიურად გავაგრძელებთ მომხმარებლის უკუკავშირის საფუძველზე სიახლეების შეთავაზებას. მობილბანკის შესაძლებლობები უსაზღვროა", — აცხადებს საქართველოს ბანკის ციფრული მომსახურების დეპარტამენტის დირექტორი, ლევან კობახიძე.

მობილბანკის ახალი ფუნქციონალის შესახებ მეტი ინფორმაციის მისაღებად ეწვიეთ ამ ბმულს.