რუსეთი რკინიგზის სადგურზე თავდასხმას უარყოფს და ამასაც უკრაინას აბრალებს. დაბომბვიდან მალევე ეს პროპაგანდისტული მესიჯები გავრცელდა კრემლის მედიების, TASS-ისა და RIA-ს ტელეგრამებზე.

რუსეთის თავდაცვის სამინისტრო ამტკიცებს, თითქოს შეიარაღება, რომლითაც ტერიტორია დაიბომბა მათ არსენალში არ არის და მხოლოდ უკრაინა იყენებს. თუმცა უკრაინულ ტელეგრამ არხებზე უკვე გავრცელდა ვიდეოები, რომელთა ავტორები ამტკიცებენ, რომ რუსეთმა მსგავსი რაკეტები ქვეყანაში შეიტანა.

დონეცკის პოლიციის უფროსის განცხადებით, სადგურს ისკანდერიდან კასეტური ბომბებით გაუხსნეს ცეცხლი, ვრცელდება ინფორმაცია ე.წ. ტოჩა უ-ს გამოყენების შესახებ. უსაფრთხოების სამსახურმა უკვე აღძრა სისხლის სამართლის საქმე ომის კანონებისა და წესების დარღვევაზე.

პირველადი მონაცემებით, რკინიგზის სადგურზე ოკუპანტების თავდასხმის შედეგად 39 ადამიანი დაიღუპა, მათ შორის 4 ბავშვია. კრამატორსკის მერის თქმით, საავადმყოფოები დაჭრილთა რაოდენობას ვერ უმკლავდებიან.

მომხდარს უკვე გამოეხმაურენ საერთაშორისო ორგანიზაციების ლიდერები, რომლებმაც დაგმეს რუსეთის ქმედებები და განაცხადეს, რომ რუსეთის სარაკეტო დარტყმა არც ყალბია და არც ტყუილი.

ამავე თემაზე: