უკრაინის უსაფრთხოების სამსახურისა და ნაციონალური პოლიციის პირველადი მონაცემებით, რკინიგზის სადგურზე ოკუპანტების დაბომბვის შედეგად 39 ადამიანი დაიღუპა, მათ შორის 4 ბავშვია.

"რაკეტა მოხვდა დროებით მოსაცდელს, სწორედ იქ ასობით ადამიანი ელოდა საევაკუაციო მატარებელს. ეს კიდევ ერთი დასტურია იმისა, რომ რუსეთი სასტიკად, ბარბაროსულად ანადგურებს უკრაინის მშვიდობიან მოსახლეობას, ერთადერთი მიზნით — მოკლას. ახლა ადგილზე პოლიცია, მაშველები, ექსპერტები და ექიმები მუშაობენ", — წერს ნაციონალური პოლიცია.

უკრაინა 24 დონეცკის პოლიციის უფროსზე დაყრდნობით წერს, რომ სადგურს ისკანდერიდან კასეტური ბომბებით გაუხსნეს ცეცხლი. უსაფრთხოების სამსახურმა უკვე აღძრა სისხლის სამართლის საქმე ომის კანონებისა და წესების დარღვევაზე.

ამავე თემაზე: