ლატვიის სეიმმა მიიღო კანონი, რომ ამ წლის 9 მაისი უკრაინის წინააღმდეგ რუსეთის აგრესიის მსხვერპლთა ხსოვნის დღედ გამოცხადდეს. ამ დღეს გლოვის ნიშნად ლატვიისა და უკრაინის დროშები სახელმწიფო შენობებზე განთავსდება.

ასევე, 9 მაისს არ გაიმართება საჯარო გასართობი და სადღესასწაულო ღონისძიებები, ასევე, იკრძალება პიროტექნიკის გამოყენებაც.

სეიმის მიერ გავრცელებულ განცხადებაში ვკითხულობთ, რომ კანონის მიზანი რუსეთის ფედერაციის მიერ უკრაინის ტერიტორიაზე განხორციელებულ სამხედრო აგრესიაზე ყურადღების მიქცევა და უკრაინის ხალხის მიმართ სახელმწიფოს სუვერენიტეტის, დამოუკიდებლობისა და ტერიტორიული მთლიანობისთვის ბრძოლაში სოლიდარობის გამოხატვაა.

ვრცელდება ინფორმაცია, რომ ოკუპანატ რუსეთს სურს 9 მაისი უკრაინაზე გამარჯვების დღეს გამოაცხადოს. ამასთან, რუსეთი 9 მაისს ფაშიზმზე გამარჯვების დღედ აღნიშნავს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში