ყოფილებთან შეხვედრას უამრავი ადამიანი უფრთხის და ბევრისთვის არც ქუჩის მეორე მხარეს გადასვლა ან დასამალად მზის სათვალის მორგებაა უცხო. როგორც ჩანს, ჰოლივუდში ყოფილს ქუჩაში და საერთო მეგობრის დაბადების დღეზე თუ არა, ახალ ფილმში ან სერიალში მაინც შეიძლება შეხვდე.

წარმოგიდგენთ 7 ჰოლივუდურ წყვილს, რომელთაც დაშორების შემდეგ ერთმანეთთან მუშაობა მოუწიათ:

1. კამერონ დიაზი და ჯასტინ ტიმბერლეიკი

ფოტო: Everett Collection

კამერონ დიაზი და ჯასტინ ტიმბერლეიკი ერთმანეთს 2003-2007 წლებში ხვდებოდნენ. დაშორების შემდეგ მალევე შრეკის მესამე ნაწილი გამოვიდა, რომელშიც ორივე სხვადასხვა პერსონაჟს ახმოვანებდა. ისინი ერთმანეთს 2011 წელს ფილმ Bad Teacher-ში კვლავ შეხვდნენ.

"ჩვენ ზრდასრული ადამიანები ვართ. რა თქმა უნდა, ერთად მუშაობა შეგვიძლია. დაშორებიდან 3 წელი გავიდა. ყველაფერი დასრულდა. ახლა მეგობრები ვართ", — განაცხადა კამერონმა.

2. ლეა მიშელი და მეთიუ მორისონი

ფოტო: Getty Images

ლეამ აღიარა, რომ ის და მეთიუ მორისონი ერთმანეთს მანამდე ხვდებოდნენ, სანამ ორივე მათგანი ცნობილ სერიალ Glee-ში გამოჩნდებოდა.

3. ჯერომ ფლინი და ლინა ჰიდი

ფოტო: Getty Images

ფოტო: Getty Images

სამეფო კარის თამაშების ვარსკვლავები ერთმანეთს სერიალის გადაღებებამდე დიდი ხნით ადრე ხვდებოდნენ. გავრცელებული ინფორმაციით, მათ საერთო სცენებში მონაწილეობაზეც კი განაცხადეს უარი.

4. ბრედლი კუპერი და ზოი სალდანა

ფოტო: Getty Images

ბრედლი კუპერი და ზოი სალდანა Words-ის გადაღებების დროს, დაახლოებით 1 წლის განმავლობაში იყვნენ ერთად. დაშორების შემდეგ კი Guardians of the Galaxy-ში გამოჩნდნენ.

5. ჯენიფერ ლოპესი და მარკ ენტონი

ფოტო: Instyle

ჯენიფერ ლოპესი და მარკ ენტონი ერთმანეთს 2011 წელს დაშორდნენ, თუმცა რამდენიმე თვეში შოუში, სახელად Q'Viva! The Chosen ერთად მუშაობდნენ.

6. სარა პოლსონი და ჩერი ჯოუნსი

ფოტო: Getty Images

სარა პოლსონი და ჩერი ჯოუნსი ერთმანეთს ხანგრძლივი ურთიერთობის შემდეგ, 2009 წელს დაშორდნენ. ისინი ერთმანეთს New Year's Eve-ის გადაღებებზე კვლავ შეხვდნენ. ჩერიმ აღნიშნა, რომ მართალია ერთად არ იყვნენ, თუმცა კვლავ მეგობრობდნენ.

7. მინდი კელინგი და ბი ჯეი ნოვაკი

წყვილი ერთმანეთს The Office-ის გადაღებებზე შეხვდა. რამდენიმე წლის შემდეგ დაშორების მიუხედავად, ისინი კვლავ ახლო მეგობრებად რჩებიან. მინდიმ ბი ჯეი ნოვაკი საკუთარ სერიალში, The Mindy Project-შიც ათამაშა, სადაც მათი პერსონაჟები დროებით ერთმანეთს ხვდებოდნენ.