ამერიკის შეერთებული შტატების სახელმწიფო მდივანი, ენტონი ბლინკენი ამბობს, რომ სახელმწიფო დეპარტამენტი რუსული სამხედრო ძალების მიერ უკრაინელი მშვიდობიანი მოქალაქეების მიმართ ჩადენილი სისასტიკის დოკუმენტირებაში დაეხმარება.

"არ შეიძლება ეს სურათები არ დაინახო, როგორც დარტყმა მუცელში. აგრესიის დაწყებიდან ჩვენ გამოვედით და ვთქვით, რომ გვჯერა რუსულმა ძალებმა ჩაიდინეს ომის დანაშაულები და ჩვენ ვმუშაობთ ამის დოკუმენტირებაზე, რათა ინფორმაცია მივაწოდოთ შესაბამის ორგანიზაციებს, რომლებიც ამ ყველაფერს ერთად შეაგროვებენ. ამაზე პასუხისმგებლობა უნდა იყოს", — ამბობს ბლინკენი CNN-თან.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში