უკრაინის თავდაცვის სამინისტროს მთავარი სადაზვერვო სამმართველოს განცხადებით, უკრაინელები ოკუპანტებს წინააღმდეგობას ყველა შესაძლო საშუალებით უწევენ. მათი თქმით, იზიუმის რაიონის მოსახლეობამ რუს ჯარისკაცები ღვეზელებით მოწამლა, რის შედეგადაც ორი სამხედრო დაიღუპა, 28 რეანიმაციაში გადაიყვანეს.

"უკრაინელები ოკუპანტებს წინააღმდეგობას უწევენ ყველა შესაძლო საშუალებით. არსებული ინფორმაციით, იზიუმის რაიონის მოსახლეობა რუსეთის ფედერაციის მე-3 მოტომსროლელი დივიზიის რუსებს მოწამლული ღვეზელებით გაუმასპინძლდა. ამის შედეგად ორი ოკუპანტი დაიღუპა, 28 კი რეანიმაციულ განყოფილებაში გადაიყვანეს. მათი ამჟმინდელი მდგომარეობა ზუსტდება.

რუსეთის ფედერაციის მე-3 მოტომსროლელი დივიზიის კიდევ 500-მდე სამხედრო მოსამსახურე გაურკვეველი წარმოშობის მძიმე ალკოჰოლური მოწამვლის გამო საავადმყოფოში მოხვდა", — ამბობენ ისინი.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში