ამერიკულ-ქართული განათლების ცენტრის ორგანიზებითა და ესპანურ IE University-სა და ფრანგულ უნივერსიტეტ Audencia Business School-თან თანამშრომლობით 2022 წლის 2 აპრილს 12:00-დან 17:00 საათამდე სასტუმრო "რედისონ ბლუ ივერიაში" გაიმართება განათლების საერთაშორისო გამოფენა, რომელიც უმასპინძლებს 17 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: www.logos.edu.ge/leaf/

University of Wisconsin — Eau Claire გახლავთ სახელმწიფო უნივერსიტეტი, ვისკონსენის შტატის ქალაქ ო კლერში. უნივერსიტეტი 1916 წელს დააარსდა და ამ პერიოდში ის იყო Normal School-ის წოდების მატარებელი, რომელიც უშუალოდ მასწავლებლების გადამზადებას ემსახურებოდა. 1927 წელს ვისკონსენის უნივერსიტეტს "ო კლერის სამასწავლებლო კოლეჯის" წოდება მიენიჭა, სადაც სხვადასხვა შტატის პედაგოგები მაღალი ხარისხის გადამზადებას გადიოდნენ.

საგანმანათლებლო ფოკუსი უნივერსიტეტში 1960 წლიდან შეიცვალა, რაც მოთხოვნის მიხედვით, ფაკულტეტების შექმნას გულისხმობდა. 2000 წლიდან ვისკონსენის უნივერსიტეტი ოფიციალურად შევიდა ვისკონსენის შტატის საუნივერსიტეტო სისტემაში, რომელიც უფრო მეტად ზრდის მის პრესტიჟს. 2012 წელს დასრულდა უნივერსიტეტის მთავარი ჰოლის სამშენებლო პროცესი, სადაც ლექციები მუდმივ რეჟიმში ტარდება. უნივერსიტეტი საკმაოდ დიდი ისტორიის მატარებელია. ეს არის ადგილი, სადაც გაიმართა მარტინ ლუთერ კინგის და პრეზიდენტ კენედის ცნობილი შეხვედრა სეგრეგაციის საკითხთან დაკავშირებით. სწორედ ამ დღეს ჩაეყარა საფუძველი უნივერსიტეტში სეგრეგაციის გაქრობასა და თანასწორობას.

დღევანდელ დღეს ვისკონსენის უნივერსიტეტი — ო კლერი მსოფლიოს ყველა მოქალაქეს უღებს კარს და მაღალი ხარისხის განათლების მიღებას სთავაზობს. უნივერსიტეტი 80-მდე ფაკულტეტს სთავაზობს მომავალ სტუდენდტებს როგორც საბაკალავრო ასევე სამაგისტრო პროგრამებზე, ესენია:

  • Accounting
  • Actuarial Science
  • Administration
  • Art
  • Latin American and Latinx Studies
  • Biomedical Engineering
  • Business Economics
  • Marketing
  • Women’s, Gender, and Sexuality Studies

ფოტო: LEAF

უნივერსიტეტს ჯამში 12 საერთო საცხოვრებელი აქვს გათვლილი, 9 კამპუსში და 3 კამპუსის გარეთ. ასევე აღსანიშნავია ის ფაქტი, რომ ვისკონსენის უნივერსტეტი შედის ტოპ 35%-ში, როგორც საუკეთესოდ ღირებული უნივერსიტეტი საერთაშორისო სტუდენტებისთვის.

უნივერსიტეტის წლიური საფასური საბაკალავრო პროგრამებზე 26 176 აშშ დოლარია, ხოლო სამაგისტრო პროგრამებზე წლიური საფასური 10 301 აშშ დოლარია.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო "რედისონ ბლუ ივერიაში" 2 აპრილს,12 საათიდან საღამოს 5 საათამდე. შემოგვიერთდით: www.logos.edu.ge/leaf/