უკრაინის პრეზიდენტი, ვოლოდიმირ ზელენსკი გამოეხმაურა რუსეთის მცდელობას, ცენზურა დაედო რუს ჟურნალისტებთან ინტერვიუზე. მისი თქმით, მოსკოვი შეშინებულია მისი ინტერვიუთი რუს ჟურნალისტებთან, რომლებსაც "სიმართლის თქმა შეუძლიათ".

"წარმოიდგინეთ, შეშინდნენ მოსკოვში ჩემი ინტერვიუს გამო რუს ჟურნალისტებთან. მათთან, ვისაც შეუძლია სიმართლე თქვას. [...] გაანადგურეს სიტყვის თავისუფლება თავიანთ სახელმწიფოში, და ცდილობენ გაანადგურონ მეზობელი სახელმწიფო", — ამბობს ზელენსკი.

ზელენსკის თქმით კრემლის მხრიდან ასეთი რეაქცია ნიშნავს, რომ ყველაფერს სწორად აკეთებენ — "ეს ნიშნავს, რომ ისინი ნერვიულობენ".

ზელენსკის გუშინ, 27 მარტს ინტერვიუ ჰქონდა რუსული დამოუკიდებელი და კრიტიკული მედიების ჟურნალისტებთან, რომლებსაც კრემლი დევნის. ინტერვიუს დაანონსების შემდეგ, როსკომანდზორმა წინასწარ მოითხოვა მედიებისგან, რომ ის არ გამოექვეყნებინათ.

ინტერვიუ ჩაწერეს Meduza-ს მთავარმა რედაქტორმა, ივან კოლპაკოვმა, ტელეკომპანია დოჟდის მთავარმა რედაქტორმა, ტიხონ ძიადკომ, ჟურნალისტმა და მწერალმა, მიხაილ ზიგარმა (მან ასევე დაუსვა ზელენსკის ერთი შეკითხვა Novaya Gazeta-ს მთავარი რედაქტორისა და ნობელის პრემიის ლაურეატის დიმიტრი მურატოვისგან) და კომერსანტის სპეციალურმა კორესპონდენტმა, ვლადიმერ სოლოვიოვმა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში