რუსულ სახელისუფლებო მედიაში ჟირინოვსკის სიკვდილზე ინფორმაციის გავრცელების შემდეგ, იგივე მედიები ავრცელებენ დუმის სპიკერის განცხადებას, რომ ის ცოცხალია.

ვიაჩესლავ ვოლოდინის თქმით, ჟირინოვსკი არ მომკვდარა, მისი მდგომარეობა მძიმეა. გარდა ამისა, პროსახელისუფლებო მედიები ჯანდაცვის უწყებასაც ეყრდნობიან, სადაც ამტკიცებენ, რომ ჟირინოვსკის მდგომარეობა სტაბილურია.

"ჩვენ კატეგორიულად უარვყოფთ ტყუილს ვლადიმერ ჟირინოვსკის გარდაცვალების შესახებ. ეს არის "ყვითელი" პრესის ბინძური პროვოკაცია, რომელიც 30 წლის განმავლობაში არაფერს აკეთებს, გარდა იმისა, რომ იტყუებიან ლიბერალ-დემოკრატიული პარტიის ლიდერსზე", — განაცხადა ჟირინოვსკის ფრაქციამ ტელეგრამზე.

ამ ეტაპზე რუსული მედიების ნაწილზე პოლიტიკოსის სიკვდილზე გავრცელებული ინფორმაცია წაიშალა.

მანამდე როგორც პროსახელისუფლებო, ასევე კრიტიკული რუსული მედიები წერდნენ, რომ პოლიტიკოსი მართლა მოკვდა. ეს ინფორმაცია გაავრცელა ჟირინოვსკის თანაგუნდელმა,ს სენატორმა ალექსანდრე პრონიუშკინმაც.

ეს პირველი შემთხვევა არ არის, როდესაც ჟირინოვსკის სიკვდილზე არაზუსტი ინფორმაცია ვრცელდება, თუმცა აქამდე მას კრემლთან დაახლოებული წყაროები არ ადასტურებდნენ.