პროკურატურის ინფორმაციით, არასრულწლოვნის გაუპატიურებაში ბრალდებულებს 20-20 წლით თავისუფლების აღკვეთა მიესაჯათ. უწყების განცხადებით, ერთ-ერთი ბრალდებული სასამართლომ დამნაშავედ ცნო გაუპატიურების 2, მეორე კი 3 ეპიზოდში, ასევე, სექსუალური ხასიათის სხვაგვარ ქმედებაში, რომელიც ჩადენილია ძალადობით.

პროკურატურის განცხადებით, 2020 წლიდან 2021 წლის 21 ივნისის ჩათვლით, ბრალდებულებმა 8 წლის გოგო რამდენჯერმე გააუპატიურეს. მათივე თქმით, 2018 წლის 21 იანვარს, ერთ-ერთმა ძალადობით 9 წლის გოგოს მიმართ სექსუალური ხასიათის სხვაგვარი ქმედება ჩაიდინა. უწყებაში აცხადებენ, რომ ბრალდებულები დაზარალებულ არასრულწლოვნებს სიცოცხლის მოსპობით ემუქრებოდნენ, თუ ისინი მომხდარის შესახებ ვინმეს მოუყვებოდნენ.