შინაგან საქმეთა მინისტრის, ვახტანგ გომელაურის განცხადებით, სამირა ბაირამოვას საქმეზე გამოძიება 151-ე მუხლით მიმდინარეობს და ამ საქმეს ბოლომდე მიყვებიან.

"151-ე მუხლით არის აღძრული სისხლის სამართლის საქმე სამირა ბაირამოვაზე და ამაზე გამოძიება მიმდინარეობს, ჩვენებები მოგვცა, გამოვკითხეთ და ამას მივყვებით ბოლომდე", — განაცხადა გომელაურმა.

ალტ-ინფოს ოფისზე ბანერის შეღებვის შემდეგ სამირა ბაირამოვამ მუქარის შემცველი და შეურაცხმყოფელი შეტყობინებები მიიღო. მან საგამოძიებო უწყებას იმავე დღეს მიმართა. შსს-მ გამოძიება სისხლის სამართლის 151-ე მუხლით დაიწყო, რაც რაც სიცოცხლის მოსპობის ან ჯანმრთელობის დაზიანების მუქარას გულისხმობს.