პოლონეთის პრემიერმინისტრის, მათეუშ მორავიეცკის განცხადებით, არის ხმები, რომ საქართველო სანქციებში ბოლომდე არაა ჩართული, თუმცა ირაკლი ღარიბაშვილმა დაარწმუნა, რომ ქვეყანა აგრესიის შესაჩერებლად ყველაფერს აკეთებს.

"სანქციებს, რომელიც უკვე იყო მიღებული ევროკომისისს მხრიდან, პოლონეთი აინიცირებს. ჩვენ გვინდა, რომ გავაღრმავოთ ეს სანქციები და თითოეულ დღესთან, თითოეულ დაბომბილ სახლთან ერთად სანქცია უნდა ემატებოდეს, რადგან ეს ბარბაროსული მიდგომა უკრაინის არ არის მისაღები.

არის ხმები, რომ თითქოს საქართველო არ არის ჩართული ბოლომდე ამ სანქციებში, მაგრამ ბატონმა პრემიერმა დამარწმუნა, რომ საქართველო ყველაფერს აკეთებს ამ აგრესიის შესაჩერებლად, დემოკრატიული ღირებულებების დასაცავად, უკრაინის მხარდასაჭერად", — განაცხადა მან.

პოლონეთის პრემიერმინისტრი საქართველოში სამუშაო ვიზიტით დღეს, 17 მარტს ჩამოვიდა. მან შეხვედრა გამართა ირაკლი ღარიბაშვილთან, რის შემდეგაც მათ მედიასთან ერთობლივად გააკეთეს კომენტარი.