პრეზიდენტის აპარატის უფროსის მრჩეველის, ალექსეი არესტოვიჩის თქმით, უკრაინაში ბრძოლის პერიოდში რუსებმა მათი პერსონალის 30%-ზე მეტი დაკარგეს. მის კომენტარს უკრაინული მედია, Unian ავრცელებს.

"ისინი იხოცებიან, იხოცებიან ასობით", — თქვა მან.

მისივე თქმით, ცოტა ხნის წინ მარიუპოლის მახლობლად 250-მდე რუსი სამხედრო დაიღუპა, ხოლო 700-ზე მეტი დაიჭრა. პრეზიდენტის აპარატის წარმომადგენლის განცხადებით, დაღუპულთა რიცხვი, უკვე, სავარაუდოდ, 14-15 ათასს აღწევს, თუმცა ეს მონაცემები ჯერ დაზუსტებული არ არის.

არესტოვიჩმა აღნიშნა, რომ რუსეთმა უკრაინაში 100 000-ზე მეტი სამხედრო შემოიყვანა, საიდანაც 13 000 განადგურებულია, 18 000 კი ქმედუუნაროა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში