რუსი მილიარდერი ალიშერ უსმანოვს ევროკავშირმა ორშაბათს სანქციები დაუწესა, ორი დღის შემდეგ კი სამმა წყარომ Forbes-ს დაუდასტურა, რომ მას გერმანიის ხელისუფლებამ ქალაქ ჰამბურგში 600 მილიონ დოლარად შეფასებული იახტა Dilbar ჩამოართვა.

იახტა ოქტომბრის შემდეგ სარემონტო სამუშაოებისთვის გემთმშენებელ ქარხანაში იმყოფებოდა. წყაროები, რომლებიც Forbes-ს ესაუბრნენ, ამბობენ, რომ გერმანულმა ხელისუფლებამ გაყინა აქტივები და თანამშრომლები, რომლებიც იახტაზე მუშაობდნენ, ოთხშაბათს სამსახურში არ გამოცხადნენ.

უსმანოვმა დილიბარი 2016 წელს იყიდა 600 მილიონ დოლარად გერმანული გემთმშენებლი ფირმისგან, რომელიც მისთვის ამ იახტას 52 თვის განმავლობაში აგებდა. ფირმამ მას ერთ-ერთი ყველაზე კომპლექსური იახტა უწოდა, რომელიც ოდესმე აშენებულა, როგორც ზომების მხრივ, ისე ტექნოლოგიურად. დილიბარზე ყველაზე დიდი საცურაო აუზია, რომელიც ოდესმე იახტაზე გაკეთებულა, ასევე ვერტმფრენის ორი დასაჯდომი ადგილი, საუნა, სილამაზის სალონი და სპორტული დარბაზი.