24 თებერვალს რუსეთი უკრაინაში შეიჭრა და ომი დაიწყო. ამის გამო მრავალი უკრაინელი იძულებულია, სახლები მიატოვოს ან ყველა შესაძლო გზით დაიცვას მშობლური მიწა. ყოველდღიურობას მოწყვეტილ მოქალაქეებს საკვებისთვის, მედიკამენტებისა და უამრავი სხვა საჭიროებისთვის სხვების თანადგომა სჭირდებათ.

ომის დაწყებიდან დღემდე საქართველოს მოსახლეობა უკრაინელ ხალხს აქტიურად ეხმარება. ჩვენს ქვეყანაში მყოფ უკრაინელებს რიგითი მოქალაქეები უფასო საცხოვრებლითა და საკვებით უზრუნველყოფენ. მათ ქართული კომპანიებიც შეუერთდნენ, რომლებიც უკრაინის დასახმარებლად თანხებსა და საჭირო ნივთებს სხვადასხვა გზით აგროვებენ. ამ სტატიაში სწორედ ასეთ კომპანიებს წარმოგიდგენთ:

1. TBC უკრაინის ყველა მოქალაქეს, რომელიც ამჟამად საქართველოში იმყოფება, უსასყიდლოდ გადასცემს ჯანმრთელობის დაზღვევას. მათ ამბულატორიულ მომსახურებას კლინიკა რეიმანი გაუწევს

2. საქართველოს ბანკის ინიციატივით, პარტნიორ კომპანიებთან ერთად, წითელი ჯვრის მხარდაჭერით, უკრაინელ ხალხს ჰუმანიტარული დახმარება გადაეცემა. ასევე, პარტნიორ სასტუმროებთან ერთად, უკრაინიდან იძულებით გადაადგილებულ პირებს საქართველოს ბანკი უზრუნველყოფს საცხოვრებელი ადგილებით

3. საქართველოს უნივერსიტეტი უკრაინას 1 მილიონი ლარით დაეხმარება

4. BASSIANI 4-5 მარტის ღონისძიებებზე შემოსული თანხით უკრაინას დაეხმარება.

5. ევექსი კლინიკები საქართველოში დარჩენილ უკრაინის მოქალაქეებს უფასო კონსულტაციებსა და გადაუდებელ ამბულატორიულ სერვისებს სთავაზობს

6. აგროჰაბმა 200 უკრაინელ ოჯახს აგროჰაბის 200-ლარიანი ვაუჩერი გადასცა

7. პატერსონი ჩანთების გაყიდვიდან შემოსულ თანხას მთლიანად TBC ბანკის მიერ უკრაინელი ხალხის დასახმარებლად გახსნილ სპეციალურ ანგარიშზე გადარიცხავს

8. Alliance Group საქართველოში მყოფ უკრაინელებს საცხოვრებლით უზრუნველყოფს

9. Bolt ევროპის რეგიონში შესრულებული ყოველი შეკვეთიდან 5%-ს უკრაინის დამხმარე არასამთავრობო ორგანიზაციებში გადარიცხავს

10. PSP Pharmacy უკრაინელებს 200 000 ლარის ღირებულების მედიკამენტებსა და პირველადი დახმარებისთვის საჭირო ნივთებს უგზავნის

11. სპილოუ უკრაინელებს თბილ ტანსაცმელს, ქუდებსა და პირბადეებს გაუგზავნის

12. Emocia • ემოცია / Handmade Jewellery ყოველი გაყიდული ნივთის ღირებულების 20%-ს TBC ბანკის მიერ უკრაინელი ხალხის დასახმარებლად გახსნილ სპეციალურ ანგარიშზე გადარიცხავს

13. ალტერსოქსი უკრაინაში წინდებს გაგზავნის

14. მადარტი საქართველოში მყოფ უკრაინის მოქალაქეებს საკონდიტრო პროდუქციით უმასპინძლდება

15. დომინო უკრაინაში პირველადი დახმარების ნივთებსა და მედიკამენტებს გზავნის და მომხმარებლებს წვლილის შეტანას სთავაზობს

ამავე თემაზე: