თავდაცვის ყოფილმა მინისტრმა, ბაჩო ახალაიამ საპატიმრო დატოვა. ციხიდან გამოსვლის შემდეგ მან ისაუბრა, რომ პოლიტიკაში ყოფნას არ აპირებს. მისი თქმით, ეს მისი "საქმე არ არის".

ამასთან, ახალაიამ ჟურნალისტებთან ისაუბრა ყოფილი პრეზიდენტის, მიხეილ სააკაშვილის პატიმრობაზე და აღნიშნა, რომ ეს ფაქტი "არ ესმის".

"სირცხვილის გრძნობა მაქვს ძალიან დიდი, ძალიან მრცხვენია იმ ქვეყნის მოქალაქე რომ ვარ, რომელსაც ასეთი კაცი აქ [ციხეში] უზის. მე გაოგნებული ვარ", — თქვა მან.

ახალაია მსჯავრდებული იყო საქართველოს სისხლის სამართლის კოდექსის 25, 1441-ე მუხლის მეორე ნაწილის "ა", "ბ", "ე" და "ზ" ქვეპუნქტებით; 25,138-ე მუხლის მე-2 ნაწილის "ბ", "გ" და "ზ" ქვეპუნქტებით; 141-ე მუხლის მეორე ნაწილის "ა", "ბ", "ე" და "ზ" ქვეპუნქტებით; 332-ე მუხლის მე-2 ნაწილით; 341-ე მუხლით და 25, 182-ე მუხლის მე-3 ნაწილის "ბ" ქვეპუნქტით. თითოეულ საქმეზე ახალაიას სხვადასხვა ვადით თავისუფლების აღკვეთა ჰქონდა განსაზღვრული.

საბოლოო ჯამში, სისხლის სამართლის კოდექსის 59-ე მუხლისა და ამნისტიის შესახებ კანონით, სასჯელის სახედ და ზომად ახალაიას განესაზღვრა 9 წლის ვადით თავისუფლების აღკვეთა და 3 წლით ჩამოერთვა თანამდებობის დაკავების უფლება