France 24-ის ინფორმაციით, გაეროს კლიმატის კონფერენციაზე რუსეთის დელეგაციის ხელმძღვანელმა ბოდიში მოიხადა მისი ქვეყნის უკრაინაში შეჭრის გამო. ინფორმაციას რუსული და სხვა საერთაშორისო მედიებიც ფრანგულ გამოცემაზე დაყრდნობით ავრცელებენ. France 24 კი, თავის მხრივ, დახურულ კონფერენციაზე მყოფ რამდენიმე პირს ეყრდნობა.

მათი წყაროების ინფორმაციით, კონფერენციაზე უკრაინელი დელეგატის გამოსვლის შემდეგ, რუსეთის წარმომადგენელმა, ოლეგ ანისიმოვმა თქვა: "ნება მომეცით ბოდიში მოვიხადო ყველა რუსის სახელით, ვინც ვერ შეძლო ამ კონფლიქტის თავიდან აცილება". და დააყოლა რომ ისინი, ვინც ხედავენ რა ხდება, "ვერ პოულობენ უკრაინაზე თავდასხმის გამართლებას".

გამოცემა წერს, რომ ანისიმოვს ამ საკითხზე კომენტარი სთხოვეს, რაზეც მან განაცხადა, რომ ეს პირადი აზრია და არ ასახავს რუსეთის დელეგაციის ოფიციალურ პოზიციას.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში