მსოფლიოში ერთ-ერთმა ყველაზე ცნობილმა ჰაკერულმა ჯგუფმა, Anonymous-მა რუსეთს "კიბერომი გამოუცხადა". ინფორმაცია ამის შესახებ მათ ტვიტერზე გამოქვეყნდა.

მათი განცხადებით, რუსული პროპაგანდისტული მედია Russia Today დაბლოკეს — უკვე რამდენიმე საათია, რაც RT-ს ვებგვერდები მიუწვდომელია. შეგახსენებთ, რომ RT-ს ხელმძღვანელი, ცნობილი პროპაგანდისტი მარგარიტა სიმონიანი, ევროკავშირის სანქცირებულ პირთა სიაშია.

ამავდროულად, რუსეთში კომპიუტერული ინციდენტების ნაციონალურ საკოორდინაციო ცენტრში, რომელიც FSB-ს შექმნილია, კიბერთავდასხმების მასშტაბი კრიტიკულად შეაფასეს. მათი თქმით, თავდასხმების ინტენსივობა გაიზარდა, მათ შორის "კრიტიკული მნიშვნელობის საინფორმაციო ინფრასტრუქტურის ობიექტებზე".

პუტინმა უკრაინაში ომი დაიწყო, რომელსაც თავად სპეციალურ "სამხედრო ოპერაციას" უწოდებს. თავდასხმები ხორციელდება არაერთ ქალაქში და იბომბება დასახლებული პუნქტები, მათ შორის კიევში. უკრაინის პრეზიდენტმა, ვოლოდიმირ ზელენსკიმ სამხედრო მდგომარეობა გამოაცხადა.

24 თებერვლის მთავარი ამბები:

  • რუსულმა ჯარებმა უკრაინას სხვადასხვა ტერიტორიიდან, მათ შორის ბელარუსიდან შეუტიეს, რასაც ლუკაშენკო უარყოფს;
  • რუსებმა კონტროლი აიღეს რამდენიმე აეროდრომსა და აეროპორტზე;
  • რუსებმა ხელში ჩაიგდეს ჩერნობილის ატომური სადგური;
  • ევროკავშირმა, ბრიტანეთმა და აშშ-მ რუსეთს ახალი სანქციები დაუწესეს;
  • უკრაინამ რუსეთთან დიპლომატიური ურთიერთობები გაწყვიტა;
  • ომის გასაპროტესტებლად აქციები მსოფლიოს სხვადასხვა ქალაქში, მათ შორის, მოსკოვში გაიმართა, სადაც ასეულობით ადამიანი დააკავეს;
  • ორივე მხარეს დაიღუპა ათეულობით სამხედრო, ზუსტი რაოდენობა უცნობია;
  • რუსული რუბლი რეკორდულად გაუფასურდა;
  • წინასწარი მონაცემებით, გარდაიცვალა უკრაინის 137 მოქალაქე, როგორც სამოქალაქო, ასევე სამხედრო პირები.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: