ბორის ჯონსონი ამბობს, რომ დიდი ბრიტანეთი რუსეთის ეკონომიკას სანქციების მძიმე პაკეტით ალაგმავს.

"უკრაინა არის ქვეყანა, რომელიც ათწლეულებია სარგებლობს თავისუფლებით, დემოკრატიით და საკუთარი ბედის არჩევის უფლებით. ჩვენ და მსოფლიოს არ შეგვიძლია დავუშვათ, რომ ეს თავისუფლება უბრალოდ წაშალონ. ჩვენ არც შეგვიძლია და არც ვაპირებთ ამას თვალი ავარიდოთ...

დღეს, ჩვენს მოკავშირეებთან ერთად, შევთანხმდებით ეკონომიკური სანქციების დროულ და მძიმე პაკეტზე, რომელიც რუსეთის ეკონომიკის ასალაგმად შევქმენით.

და ამავე მიზნით, ჩვენ ასევე ერთობლივად უნდა შევწყვიტოთ დამოკიდებულება რუსულ ნავთობსა და გაზზე, რომელიც ძალიან დიდი ხნის განმავლობაში აძლევდა პუტინს კონტროლს დასავლურ პოლიტიკაზე.

ჩვენი მისია ნათელია; დიპლომატიურად, პოლიტიკურად, ეკონომიკურად და ბოლოს, სამხედრო თვალსაზრისით, ვლადიმერ პუტინის ეს საშინელი და ბარბაროსული წამოწყება წარუმატებლად უნდა დასრულდეს".