ლიტვის, პოლონეთისა და უკრაინის ერთობლივ დეკლარაციაში ნათქვამია, რომ უკრაინა იმსახურებს ევროკავშირის წევრობის კანდიდატის სტატუსს. სამი ქვეყნის ლიდერის, ვოლოდიმირ ზელენსკის, ანდჟეი დუდასა და გიტანას ნაუსედას შეხვედრა დღეს კიევში გაიმართა, რის შემდეგაც დეკლარაციას მოაწერეს ხელი.

"უკრაინა იმსახურებს ჩვენს მტკიცე მხარდაჭერას მისი ევროპული და ევროატლანტიკური მისწრაფებების მიმართ, რაც შეესაბამება უკრაინელი ერის თავისუფალ ნებასა და არჩევანს. ლიტვა და პოლონეთი კიდევ ერთხელ ადასტურებენ მხარდაჭერას უკრაინის ევროპული პერსპექტივისადმი, 2021 წლის 18 მარტს და 3 მაისს ხელმოწერილი ერთობლივი დეკლარაციების შესაბამისად.

ხაზს ვუსვამთ, რომ ასოცირების შეთანხმებისა და შიდა რეფორმების განხორციელებაში მნიშვნელოვანი პროგრესის გათვალისწინებით, ასევე უსაფრთხოების არსებული გამოწვევების გათვალისწინებით, უკრაინა იმსახურებს ევროკავშირის კანდიდატის სტატუსს და ლიტვის რესპუბლიკა და პოლონეთის რესპუბლიკა მხარს დაუჭერენ უკრაინას ამ მიზნის მიღწევაში", — ვკითხულობთ დეკლარაციაშ.

ისინი მოუწოდებენ რუსეთს დეესკალაციისკენ — გაიყვანოს შეიარაღებული ძალები, რომლებიც განლაგებულია უკრაინის საზღვრებთან და უკრაინის დროებით ოკუპირებულ ტერიტორიებზე.

რუსეთის პრეზიდენტმა, ვლადიმერ პუტინმა უკრაინის ოკუპირებული ტერიტორიები თვითგამოცხადებული ლუგანსკი და დონეცკი "დამოუკიდებელ რესპუბლიკებად" აღიარა. პუტინმა ეს გადწყვეტილება უკრაინის "აგრესიით" ახსნა და გასამართლებლად არაერთი პროპაგანდისტული მესიჯი გააჯღერა. მან უკრაინის ხელისუფლებას მოუწოდა, "დროულად შეწყვიტონ სამხედრო ქმედებები", წინააღმდეგ შემთხვევაში კი "ნებისმიერ სისხლისღვრაზე" პასუხისმგებლობა მათ დააკისრა.

ამ "თხოვნით" პუტინს თვითაღიარებული რესპუბლიკების ლიდერებმა და რუსეთის დუმის დეპუტატებმა მიმართეს. პუტინის გადწყვეტილება მინსკის შეთანხმების უხეში დარღვევაა.

რუსეთს უკვე დაუწესეს სანქციებიც — განახლებადი: რუსეთისთვის დაწესებული ყველა სანქცია ერთად ანუ მსოფლიოს პასუხი პუტინს.