Pitch Yourself! — მასშტაბური Tech დასაქმების ფორუმია ბიზნესისა და ტექნოლოგიების უნივერსიტეტისგან, სადაც IT სპეციალისტებს საკუთარი ალგორითმის წარდგენა ადგილობრივ და საერთაშორისო მაღალტექნოლოგიურ კომპანიებთან შეეძლებათ. კონკურსი ჩატარდება 16 მარტს, 19:00 საათზე.

კონკურსის პირობები:

დამსაქმებლებთან სტანდარტული გასაუბრების მაგივრად, კონკურსი ინდივიდუალურ მონაწილეებს აძლევს საშუალებას, ადგილობრივ და საერთაშორისო ორგანიზაციებს საკუთარი ტექ უნარ-ჩვევები წარუდგინონ (Pitch Yourself) და დასაქმდნენ შემოთავაზებულ პოზიციაზე. კონკურსის ფარგლებში, აპლიკანტები ირჩევენ პროექტს/პროექტებს, რომელზეც აქამდე უმუშავიათ და დამსაქმებლებს წარუდგენენ საკუთარ ტექნოლოგიურ უნარ-ჩვევებს Web/Mobile/Desktop აპლიკაციის ან ალგორითმის/კოდის სახით. კომპანიები კი წარმატებულ კანდიდატებს დასაქმების სხვადასხვა პერსპექტივას შესთავაზებენ.

აპლიკანტთა გადარჩევის შედეგად 15 საუკეთესო კანდიდატი წარსდგება ტექ დამსაქმებლების წინაშე.

კონკურსზე დასარეგისტრირებლად და მეტი ინფორმაციის მისაღებად ეწვიეთ ბმულს.