თბილისის მერიის ინფორმაციით, დღეს თბილისის ანძა უკრაინის, ხოლო საკრებულოს შენობა ლიეტუვის დროშის ფერებში განათდება.

"სოლიდარობა და მხარდაჭერა უკრაინელ ხალხს! — ეს იქნება თბილისის კიდევ ერთი გზავნილი მეგობარი კიევისადმი. ასევე, ლიეტუვის დამოუკიდებლობის დღესთან დაკავშირებით, თბილისის საკრებულოს შენობა ლიეტუვის დროშის ფერებში განათდება", — ვკითხულობთ განცხადებაში.

უკრაინის პრეზიდენტმა, ვოლოდიმირ ზელენსკიმ 16 თებერვალი ერთიანობის დღეს გამოაცხადა. 14 თებერვალს მან სპეციალური მიმართვა გაავრცელა, რომელშიც მოსალოდნელ ომზე ისაუბრა. მისი განცხადებით, უთხრეს, რომ 16 თებერვალს დაიწყება სამხედრო ინტერვენცია, რასაც ისინი ერთობით უპასუხებენ.

უკრაინის პრეზიდენტმა დღეს კიდევ ერთი მიმართა გაავრცელა, სადაც ერს ერთიანობის დღე მიულოცა. ზელენსკის თქმით, არავის შეუძლია უყვარდეს უკრაინა ისე, როგორც მის მოქალაქეებს და მხოლოდ მათ შეუძლიათ დაიცვან საკუთარი ქვეყანა.