პარლამენტმა ცესკოს თავმჯდომარედ კვლავ გიორგი კალანდარიშვილს დაუჭირა მხარი. პლენარულ სხდომაზე მის კანდიდატურას 82-მა დეპუტატმა დაუჭირა მხარი, 2 კი წინააღმდეგი იყო. მოქმედ თავმჯდომარეს, კალანდარიშვილსა და ორ წევრს უფლებამოსილების ვადა თებერვალში გასდიოდა. ის 6 თვის ვადით აირჩიეს.

6 თვიანი ვადით აირჩიეს ასევე ცესკოს 2 წევრი — მაია ზარიძე და გია ცაცაშვილი.

ცესკოს თავმჯდომარისა და ცესკოს ორი წევრის თანამდებობაზე კანდიდატთა შესარჩევად კონკურსი 28 დეკემბერს გამოცხადდა. ამის შესახებ განკარგულება საქართველოს პრეზიდენტმა გამოსცა. ცესკოს მოქმედ თავმჯდომარესა და ორ წევრს უფლებამოსილების ვადა თებერვალში გასდიოდათ.

17 დეკემბერს საქართველოს პარლამენტმა დაჩქარებული წესით, მესამე მოსმენით რეგლამენტში ცვლილების შეტანის შესახებ კანონპროექტი დაამტკიცა, რომლის მიხედვითაც, ცესკოს თავმჯდომარისა და წევრების არჩევის წესი შეიცვალა. უფრო ზუსტად, გამარტივდა არჩევის პროცედურა.