თეთრი სახლის ცნობით, ამერიკის შეერთებული შტატების პრეზიდენტმა, ჯო ბაიდენმა და რუსეთის პრეზიდენტ ვლადიმირ პუტინს სატელეფონო საუბრისას უთხრა, რომ მიუხედავად დიპლომატიისთვის მზადყოფნისა, მოკავშირეებთან, პარტნიორებთან კოორდინაციით სხვა სცენარისთვისაც მზად არიან.

"პრეზიდენტმა ბაიდენმა ნათლად თქვა, რომ თუ რუსეთი უკრაინაში შეიჭრება, აშშ და მოკავშირეები, პარტნიორები მას გადამწყვეტად უპასუხებენ, მძიმე ხარჯებს დააკისრებენ. პრეზიდენტმა ბაიდენმა გაიმეორა, რომ რუსეთის უკრაინაში შეჭრა გამოიწვევს ფართო ადამიანურ ტანნჯვას და რუსეთის პოზიციებს დაასუსტებს. პრეზიდენტმა ბაიდენმა ნათლად განაცხადა პრეზიდენტ პუტინთან, მიუხედავად იმისა, რომ აშშ მზადაა დიპლომატიაში ჩასართავად, ის მოკავშირეებისა და პარტნიორების კოორდინაციით მზადაა სხვაგვარი სცენარებისთვისაც", — აღნიშნულია განცხადებაში.

უკრაინის საგარეო საქმეთა სამინისტრომ დღეს, 12 თებერვალს განაცხადა, რომ ახლა ქვეყნისთვის კრიტიკულად მნიშვნელოვანია სიმშვიდის შენარჩუნება, ერთიანობა, ისეთი ქმედებებისგან თავის შეკავება, რომელიც სტაბილურობას ძირს უთხრის და თესავს პანიკას.

უკრაინაში მყოფი საქართველოს მოქალაქეებისთვის ცხელი ხაზი ამოქმედდა. საგარეო საქმეთა სამინისტრო მოქალაქეებს მოუწოდებს, კავშირზე დარჩნენ საქართველოს საელჩოსთან უკრაინაში.

11 თებერვალს ამერიკის შეერთებული შტატების სახელმწიფო მდივნმა, ენტონი ბლინკენმა განაცხადა, რომ რუსეთი უკრაინაში, შეიძლება, ნებისმიერ დროს შეიჭრას.

მოგვიანებით ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა კი მოუწოდა აშშ-ის მოქალაქეებს, დაუყოვნებლივ დატოვონ უკრაინა.

სხვა ქვეყეყნებიც, მათ შორის ბრიტანეთი, ასევე მოუწოდებენ საკუთარ მოქალაქეებს დატოვონ უკრაინა. დიდი ბრიტანეთის ელჩმა უკრაინაში, მელინდა სიმონსმა კი Twitter-ზე დაწერა, რომ კიევში რჩება და გუნდთან ერთად მუშაობას აგრძელებს.

გაიგე მეტი: