გადასაღებ მოედანზე შემოქმედებითი ჯგუფი ბევრ პრობლემას შეიძლება წააწყდეს. თუმცა, როგორც ბევრი მსახიობი, პროდიუსერი თუ საქმეში ჩართული სხვა პირი ირწმუნება, ერთ-ერთი ყველაზე რთული სამუშაო სექსის სცენების გადაღებაა. ამაში თქვენც დარწმუნდებით, თუკი ეკრანზე ინტიმური კადრების აღბეჭდვასთან დაკავშირებულ ისტორიებს გაიგებთ.

1. Normal People

ფოტო: Hulu

კონელისა და მარიანის სექსის სცენის გადაღებისას შემსრულებელ მსახიობებს, პოლ მესკალსა და დეიზი ედგარ-ჯოუნსს, სპეციალური გელით დაფარვა მოუხდათ, რათა პერსონაჟებს ეკრანზე გაოფლილის ეფექტი ჰქონოდათ. პოლის თქმით, ერთმანეთთან დაშორებისას გელი ძალიან უხერხულ ხმას გამოსცემდა და ის და დეიზი სიცილით იხოცებოდნენ.

2. Fifty Shades

ფოტო: Universal Pictures

ფილმების გადაღებისას ქრისტიან გრეის როლის შემსრულებელს, ჯეიმი დორნანს, პატარა ქისის მსგავსი ამოსაცმელის ტარება მოუწია სექსის სცენების გადაღებებისას სასქესო ორგანოს დასაფარავად. თუმცა, გვიან აღმოაჩინა, რომ "სამოსი" სხვა ფილმის გადაღებებისას უკვე გამოეყენებინათ.

3. The Favourite

ფოტო: Fox Searchlight Pictures

ემა სტოუნი ოლივია კოლმანთან სექსის სცენის გადაღებაზე ძალიან ღელავდა. ოლივიას პატარა ხუმრობის შემდეგ ეს პროცესი სტოუნისთვის კიდევ უფრო სადარდებელი გახდა. გადაღების დაწყებამდე კოლმანმა ფეხებს შორის "დიდი, სითხით გაჟღენთილი ღრუბელი" მოიქცია და როცა ემამ მისი კაბის ქვეშ სისველე იგრძნო, გაოცებული დარჩა.

4. Bridgerton

ფოტო: Vox

რეგე ჟან-პეიჯისა და ფიბი დინევორის პირველი ერთობლივი სცენა გადასაღებ მოედანზე ბიბლიოთეკაში იყო — სადაც დაფნისა და საიმონს სექსი ჰქონდათ. მართალია, ამ ეპიზოდს ფიბი "ძალიან ვნებიანად" იხსენებს, თუმცა, ყველა მსგავსი სცენის რეპეტიცია კვირების განმავლობაში მიმდინარეობდა ინტიმურობის კოორდინატორის, ლიზი ტალბოტის, თანდასწრებით.

5. Mare of Easttown

ფოტო: HBO

სექსის სცენის გადაღების შემდეგ ქეით უინსლეტს მთელი ბრძოლის გადატანა მოუხდა, რომ დამონტაჟებისას მის სხეულს არ შეხებოდნენ. თავდაპირველად, რეჟისორი კრეგ ზობელი, აპირებდა, რომ მსახიობის "მუცლის გამობურცული ნაწილი" მოეჭრა, თუმცა, ქეითმა უთხრა, "არ გაბედოო". მსახიობმა სერიალის პოსტერის შეცვლაც ორჯერ მოითხოვა, რადგან, უინსლეტის თქმით, თავისი სახე "მეტისმეტად დამუშავებული" იყო.

6. Sex Education

ფოტო: Netflix

მუშაობის დაწყებამდე პროექტის ინტიმურობის კოორდინატორმა, იტა ო'ბრაიენმა, მსახიობებს "სხვადასხვა ცხოველის შეჯვარების პროცესის ამსახველი ვიდეოების" ნახვა დაავალა, გადაღებების მომდევნო დღეს კი მათ ნანახი მოძრაობების გამეორება მოუწიათ სხვადასხვა ადგილას. ემი ლუ ვუდის თქმით, მაშინ მსახიობები ერთმანეთს დიდად არ იცნობდნენ და ეს პროცესი დაახლოებაში დაეხმარა.

7. Game of Thrones

ფოტო: HBO

გადასაღებ მოედანზე, როცა ხალ დროგოსა და დეინერისს სექსი უნდა ჰქონოდათ, ჯეისონ მომოამ სასქესო ორგანოზე "ფუმფულა ვარდისფერი წინდა" მოირგო, ამიტომ ემილია კლარკი ეპიზოდზე მუშაობისას მხოლოდ სიცილის შეკავებას ცდილობდა.

8. Twilight

კრისტენ სტიუარტი და რობერტ პატინსონი ბინდის საგის ფილმში.

ფოტო: Summit Entertainment

სექსის სცენის გადაღებასთან მაინცდამაინც სასიამოვნო გამოცდილება არც კრისტენ სტიუარტსა და რობერტ პატინსონს აკავშირებთ. ბინდის საგის მეოთხე ფილმში ბელასა და ედვარდის სულ რამდენიმეწამიან ინტიმურ სცენაზე საათების განმავლობაში მუშაობდნენ, რადგან ბევრი ახლო კადრი იყო გადასაღები. 2015 წელს კრისტენმა გაიხსენა, რომ ის და რობი იაზრებდნენ, რამდენად მნიშვნელოვანი იყო ეს სცენა ფილმში და საქმეს სრული სერიოზულობით უდგებოდნენ.