ნინო ბურჯანაძე მიიჩნევს, რომ ტყუილია, რომ სირიის პრეზიდენტმა, ბაშარ ალ ასადმა ქიმიური იარაღი გამოიყენა. ამის შესახებ ბურჯანაძემ რუსთავი 2-ის გადაცემაში განსხვავებულ აქცენტები განაცხადა.

"თქვენ ნახეთ ამის დამამტკიცებელი საბუთი? ეს არის ტყუილი," - უპასუხა ბურჯანაძემ ჟურნალისტს, რომელმაც ასადის მიერ ქიმიური იარაღის გამოყენებაზე მას კითხვა დაუსვა. "თქვენ საიდან იცით, რომ ასადის რეჟიმმა შეტევა განახორციელა?" - ამატებს ბურჯანაძე.

სირიაში მიმდინარე სამოქალაქო ომის დაწყებიდან ექვსი წლის შემდეგ, ამერიკის შეერთებული შტატების ხელისუფლებამ პირველი პირდაპირი იერიში მიიტანა სირიის სამთავრობო ძალების პოზიციებზე. როგორც პრეზიდენტმა ტრამპმა განაცხადა, ამის მიზეზი გახდა სირიის ხელისუფლების მიერ რამდენიმე დღის წინ საკუთარი მოქალაქეების მიმართ, აჯანყებულთა კონტროლირებად ტერიტორიაზე, ქიმიური იარაღის გამოყენება. იდლიბის პროვინციაში, ავიაიერიშებს, სადაც, სავარაუდოდ გამოიყენეს ქიმიური ბომბები, მომწამვლელ გაზს ათეულობით ადამიანი ემსხვერპლა, მათ შორის არიან ბავშვები.

ბაშარ ალ ასადმა, 13 აპრილს განაცხადა, რომ ინფორმაცია მის მიერ ქიმიური იარაღის გამოყენების შესახებ, სრული ფაბრიკაციაა.