კალიფორნიაში კათოლიკური დაწყებითი სკოლის ყოფილ დირექტორსა და მონაზონს, რომელმაც სკოლისთვის მოპარული $835 000 კაზინოებში დახარჯა, 1-წლიანი პატიმრობა მიესაჯა. 80 წლის მერი მარგარეტ კრუპერს ბრალად ფულის გათეთრება და თაღლითობა ედებოდა. პატიმრობის გარდა მას სასამართლომ ზიანის ანაზღაურების სახით $825 338-ის გადახდაც დააკისრა.

მონაზონი სკოლის დირექტორი 1990 წლიდან 2018 წლამდე იყო და საზოგადოებამ მისი საქმიანობის შესახებ მხოლოდ მაშინ შეიტყო, როდესაც მან ახალი დირექტორისთვის ფინანსური ანგარიში მოამზადა. დირექტორმა გარკვეული უზუსტობები დააფიქსირა, რის შემდეგაც გამოძიება დაიწყო.

ბრალდების მხარის განცხადებით, ქალი წელიწადში 14 მოსწავლის გადასახადის ოდენობის თანხას იპარავდა და ამტკიცებდა, რომ ხარჯები მოსწავლეების განათლების გაღრმავებას ემსახურებოდა.

საბოლოოდ კრუპერმა დანაშაული აღიარა და საგამოძიებო ორგანოებთან თანამშრომლობას შეუდგა. მისი ადვოკატების მიხედვით, ქალი ჩადენილს ძალიან ნანობდა. ადვოკატების თქმით, მენტალურ ჯანმრთელობასთან დაკავშირებულმა პრობლემებმა კრუპერს ისეთი ქმედებისკენ უბიძგა, რასაც სხვა დროს არ ჩაიდენდა.

ამავე თემაზე: