საქართველოს პრეზიდენტმა, გიორგი მარგველაშვილმა თავის სლოვაკ კოლეგას, ანდრეი კისკას უმასპინძლა. შეხვედრა პრეზიდენტის სასახლეში გაიმართა.

ღონისძიებაზე ორი ქვეყნის პრეზიდენტმა საქართველოს სახელმწიფო დროშას პატივი მიაგო და წითელ ხალიჩასთან განლაგებულ საპატიო ყარაულის მწკრივს ჩაუარა. საქართველოს შეიარაღებული ძალების ორკესტრმა კი სახელმწიფო ჰიმნი შეასრულა.

დახვედრის ცერემონიაზე მხარეებმა ერთმანეთს სლოვაკეთისა და საქართველოს დელეგაციები, დიპლომატიური კორპუსის წარმომადგენლები წარუდგინეს.

ღონისძიებას მთავრობის წევრები და პრეზიდენტის ადმინისტრაციის წარმომადგენლები დაესწრნენ. დახვედრის ცერემონიის შემდეგ გაიმართება პრეზიდენტების შეხვედრა პირისპირ და გაფართოებულ ფორმატში, გააკეთებენ განცხადებებს მედიისთვის.