ელვისი ბიზნესის მფლობელებს საკუთარი ნაწარმის მომხმარებლამდე ელვის სისწრაფით მიტანას სთავაზობს.

თუ ბიზნესი გაქვს და მხოლოდ საკურიერო მომსახურება გსურს, შეგიძლია მხოლოდ კურიერის მომსახურებით ისარგებლო და იმავე დღეს, სასურველ მისამართზე მიაწოდო პროდუქცია მომხმარებელს.

ფოტო: ელვისი

ელვისის B2B სერვისით სარგებლობა ორი სახით შეგიძლია

  1. შესაძლებელია თითოეული შეკვეთის ინდივიდუალურად, ხელით გაფორმება ელვისის მერჩანტიდან. თუ ელვისის ბ2ბ სერვისით სარგებლობა გსურს, შეკვეთის გაფორმებას www.merchant.elvis.ge-ზე ელვისის ბიზნეს ბაზაში დარეგისტრირების შემდეგ შეძლებ.
  2. გარდა ამისა, ელვისის ფლაგინის ვებსაიტზე დაინტეგრირებაც შეგიძლია, რის შემდეგაც მომხმარებლები პროდუქტის შეძენისას ავტომატურად გამოიძახებენ ელვისის კურიერს, რომელიც შერჩეულ ნივთს იმავე დღეს, სასურველ მისამართზე მიაწოდებს. ფლაგინის დაინტეგრირება შესაძლებელია ნებისმიერ ვებ გვერდზე, რომელიც აწყობილია WooCommerce ან wordpress-ზე.

ბიზნეს ელვისით სარგებლობა მარტივია, ამისათვის:

  • უნდა დააფიქსირო საწყისი (ობიექტის) მისამართი, საიდანაც მოუწევს კურიერს პროდუქციის გატანა;
  • მიუთითო საბოლოო მისამართი, საკონტაქტო ინფორმაცია და დეტალური მონაცემები ამანათის შესახებ;
  • ასევე უნდა მიუთითო კურიერის საწყის მისამართზე მოსვლის სასურველი დრო.

საწყისი და საბოლოო მისამართების მიხედვით, ბიზნეს ელვისი მომსახურების ფასს შემოგთავაზებს. ფასის დადასტურების შემდეგ კი სისტემა შესაბამის კურიერს მოგიძებნის, რომელიც მითითებულ მისამართზე შენთვის სასურველ დროს მოვა. შენ კი შეკვეთის სტატუსზე თვალის მიდევნებას შეძლებ.

ელვისის B2B სერვისით უკვე სარგებლობენ ისეთი წარმატებული კომპანიები, როგორებიც არიან: გალერია თბილისი, დრესაპი, 8000 მოსავალი, 9 მთა, ჯოვანი მორა, ვოდკასტი, მონამი და სხვები.

ბიზნეს ელვისით სარგებლობისთვის ეწვიეთ ვებგვერდს www.merchant.elvis.ge ან შეავსეთ სააპლიკაციო ფორმა და ელვისის წარმომადგენელი დაგიკავშირდებათ.