Reuters-ის ინფორმაციით, თურქეთში ახალი პრემიერ მინისტრი ბინალი ილდირიმი აირჩიეს.

თურქეთის პარლამენტმა ბინალი ილდირიმსა და მინისტრთა კაბინეტს ნდობა გამოუცხადა და მათი საკანონმდებლო პროგრამა დაამტკიცა.

ილდირიმი პრეზიდენტ რეჯიპ ტაიპ ერდოღანის მოკავშირე და მმართველი პარტიის თანადამფუძნებელია. ის ქვეყნის პრემიერ-მინისტრად მას შემდეგ გამოაცხადეს, რაც სამართლიანობისა და განვითარების პარტიის ყრილობაზე ლიდერად აირჩიეს.

როგორც Reuters წერს, ილდირიმის დანიშვნა ერდოღანის გეგმის განხორციელებისთვის წინ გადადგმული ნაბიჯია, რომლის მიხედვით, თურქეთში სრული საპრეზიდენტო მმართველობა უნდა დამყარდეს.

ილდირიმმა აჰმეტ დავითოღლუ ჩაანაცვლა, რომელსაც თანამდებობიდან გადადგომამდე რამდენიმეკვირიანი დაძაბული ურთიერთობა ჰქონდა პრეზიდენტ ერდოღანთან.