კულტურის მინისტრის, თეა წულუკიანის გათავისუფლების მოთხოვნით პეტიცია შეიქმნა. მისი ავტორი ფილოსოფოსი და სოციოლოგი, გიგი თევზაძეა.

პეტიციაში ჩამოთვლილია საქმიანობები, რომლებიც თეა წულუკიანმა კულტურის მინისტრად დანიშვნის შემდეგ განახორციელა, მათი თქმით, ესენია:

  • კულტურის სამინისტროს მიერ მართული ორგანიზაციებისა და პროექტების სტრუქტურულ ცვლილებები იმისათვის, რომ კიდევ უფრო გაძლიერდეს საქართველოს კულტურის აგენტების სამინისტროს პოლიტიკური ხელმძღვანელობისათვის დაქვემდებარება;
  • საჯარო ინფორმაციის შეზღუდვა და კადრების პოლიტიკის ნეპოტისტურ და კლიენტარისტულ პრინციპებზე დაფუძნება;
  • პროფესიონალების განთავისუფლება იმის გამო, რომ მათ საჯაროდ ან პრივატულად უკმაყოფილება გამოთქვეს როგორც ქვეყანაში, ასევე, კულტურის სამინისტროს სისტემაში მიმდინარე პროცესების მიმართ;
  • ავტორიტეტული ორგანიზაციების/ექსპერტების რჩევებზე უარის თქმას და გაურკვეველი, დაუსაბუთებელი ცოდნის/გამოცდილების მქონე ადამიანების კონსულტაციებზე დაყრდნობა, რამაც უკვე დააზიანა გელათი და დიდი ალბათობით, გამოიწვევს სხვა ძეგლების და ასევე, მუზეუმების კოლექციების დაზიანებასაც.

პეტიციის შემქმნელთა და ხელმომწერთა განცხადებით, დროა, საქართველოს კულტურის სისტემა ჯერ კიდევ საბჭოთა კავშირის დროს არსებული მართვის პრინციპებისგან გათავისუფლეს.