თავდაცვის მინისტრმა ლევან იზორიამ პარლამენტში კომიტეტის სხდომაზე განაცხადა, რომ საქართველო აპირებს Su-25-ების გაყიდვას.

"ჩვენი ქმედებები თითოეული სტრუქტურული ერთეულის გაძლიერებისკენაა მიმართული. ის რომ Su-25-ების გაყიდვის გადაწყვეტილება მივიღეთ, არის განპირობებული მთელი რიგი სხვა პრიორიტეტული მიმართულებების უზრუნველყოფით, რამაც ავიაცია უნდა გააძლიეროს, რამაც საჰაერო თავდაცვა უნდა გააძლიეროს".

მინისტრის თქმით, აღნიშნული ტექნიკა ძველი წარმოებისაა, მას 7-8 წელიწადში დასჭირდება სარემონტო სამუშაოები, ხოლო სათადარიგო ნაწილები რუსული წარმოებისაა. სწორედ ამიტომ მიიღეს მათი გაყიდვის გადაწყვეტილება.

იზორია აცხადებს, რომ Su-25-ის გაყიდვის შემდეგ შემოსული თანხა უკეთესი, ალტერნატიული, ტექნიკის შეძენას მოხმარდება:

"ჩვენ გვინდა შევიძინოთ ვერტმფრენები, რადგან ის მეტად დაცულია რადარებისგან და მანევრირების მეტი შესაძლებლობა აქვს ჩვენი გეოგრაფიული ადგილმდებარეობიდან გამომდინარე, მას მიწიდან 3 მეტრის დაშორებით ფრენაც შეუძლია. უფრო მოქნილია და იერიშისას უფრო ხელსაყრელია".

მინისტრის თქმით, ერთ-ერტ ალტერნატივაა ასევე უპილოტო საფრენი აპარატების შეძენა, რადგან ის უფრო ეკონომიურია და ამასთან ერთად, ქვეყანას დანაკარგისგანაც დაიცავს.