შესაძლოა, ჰოლივუდის მსახიობისთვის წარმატების მისაღწევად გარეგნობა გადამწყვეტი არ იყოს, თუმცა ის ნამდვილად მნიშვნელოვანია, რადგან ხშირად პერსონაჟის შინაგანი სამყაროს, თავისებურებებისა თუ ისტორიის გადმოსაცემად რეჟისორებს გარეგნობასთან დაკავშირებით კონკრეტული მოთხოვნები აქვთ. მიუხედავად იმისა, სამართლიანია თუ არა მათი შენიშვნები თუ შეფასებები, გარეგნობის გამო კასტინგზე მისული არაერთი ნიჭიერი მსახიობი დარჩენილა როლის გარეშე.

მაშ ასე, წარმოგიდგენთ 8 მსახიობს, რომელიც რეჟისორებმა და პროდიუსერებმა როლისთვის ზედმეტად ან არასაკმარისად მომხიბვლელად ჩათვალეს:

1. მერილ სტრიპს უშნო უწოდეს და King Kong-ში არ ათამაშეს

ფოტო: Getty Images

რაც არ უნდა გასაკვირი იყოს, როლზე უარი უნიჭიერეს მერილ სტრიპსაც მიუღია. პროდიუსერმა მის წინ იტალიურად თქვა: "რა უშნოა". მერილმა მისი ნათქვამი გაიგო და საკადრისი პასუხიც გასცა. მართალია როლი არანაკლებ ნიჭიერმა ჯესიკა ლანგმა მიიღო, თუმცა, სავარაუდოდ, პროდიუსერმა საკუთარი გადაწყვეტილება და სიტყვები მოგვიანებით მაინც მწარედ ინანა.

2. კირა ნაიტლი Pride and Prejudice-ში ლამის არ ათამაშეს, რადგან ზედმეტად ლამაზად თვლიდნენ

ფოტო: Universal Pictures

საბოლოოდ, კირამ ელიზაბეთ ბენეტის როლი მაინც მიიღო, რადგან კასტინგზე მისვლის შემდეგ რეჟისორმა ჩათვალა, რომ კირა იმაზე მომხიბვლელი ეგონა, ვიდრე სინამდვილეში იყო.

3. ენდრიუ გარფილდმა ნარნიის ქრონიკებში პრინცი კასპიანის როლი ვერ მიიღო, რადგან "საკმარისად მომხიბვლელი" არ იყო

ფოტო: Fox Searchlight Pictures

"მახსოვს, როგორი სასოწაკვეთილი ვიყავი. ნარნიას ქრონიკებში პრინცი კასპიანის როლის მისაღებად კასტინგზე მივედი და ვიფიქრე, 'ამიყვანენ, ამიყვანენ', მაგრამ როლი სიმპათიურმა და შესანიშნავმა ბენ ბარნსმა მიიღო. მგონი, ჩვენ ორს შორის უნდა გაეკეთებინათ არჩევანი და მახსოვს, რომ სასოწაკვეთილი ვიყავი", — იხსენებს მსახიობი.

ენდრიუს თქმით, უარის შემდეგ საკუთარ აგენტს მიზეზი ბევრჯერ ჰკითხა და საბოლოოდ პასუხიც მიიღო: "ისინი თვლიან, რომ საკმარისად მომხიბვლელი არ ხარ, ენდრიუ", — უპასუხა აგენტმა.

4. ჰიუ გრანტი Four Weddings and a Funeral-ში ლამის დაიწუნეს, რადგან ზედმეტად სიმპათიურად თვლიდნენ

ფოტო: Rank Film Distributors

"ფილმში გადამწყვეტი იყო, რომ მთავარი გმირი სიმპათიური არ უნდა ყოფილიყო", — ასე განმარტა მიზეზი სცენარის ავტორმა რიჩარდ კურტისმა, რომლის სურვილის საწინააღმდეგოდ ჰიუ გრანტმა როლი მაინც მიიღო.

5. 21 წლის ჰენრი კავილი ჯეიმს ბონდის როლზე წონის გამო დაიწუნეს

ფოტო: Getty Images

ჰენრი კავილის თქმით, 21 წლის ასაკში ჯეიმს ბონდის როლის მისაღებად კასტინგზე მივიდა, თუმცა უთხრეს, რომ როლისთვის ზედმეტი წონა ჰქონდა და შემდეგ ცდაზე უკეთეს ფორმაში უნდა ჩამდგარიყო.

6. სკარლეტ იოჰანსონი The Girl With the Dragon Tattoo-ისთვის ზედმეტად სექსუალურად ჩათვალეს

ფოტო: Getty Images

რეჟისორმა დევიდ ფინჩერმა სკარლეტისთვის უარის თქმა მსახიობის სექსუალურობით ახსნა. ლიზბეთ სალანდერის როლი სკარლეტის ნაცვლად რუნი მარამ მიიღო.

7. მინი დრაივერი Good Will Hunting-ში ლამის არ ათამაშეს, რადგან "საკმარისად მიმზიდველი" არ იყო

ფოტო: Getty Images

როგორც მოგვიანებით გაირკვა, ეს შეფასება სექსუალურ ძალადობაში დამნაშავედ ცნობილ ჰარვი ვაინშტაინს ეკუთვნოდა. საბედნიეროდ, ბენ აფლეკმა, მეთ დეიმონმა და ფილმის რეჟისორმა მინის მხარი დაუჭირეს. მინიმ როლი შეინარჩუნა და ოსკარის ნომინაციაც მიიღო.

8. ჯენიფერ ლოურენსს თავდაპირველად Winter's Bone-ში მონაწილეობაზე უარი უთხრეს, რადგან "ზედმეტად ლამაზი" იყო

ფოტო: Everett Collection

ჯენიფერ ლოურენსის თქმით, შემდეგ ცდაზე ცუდ ფორმაში მივიდა, პროდიუსერები დაარწმუნა, რომ ცდებოდნენ და როლიც მიიღო.