გაფრთხილება: სტატია Spider-Man: No Way Home-ის სპოილერს შეიცავს!

Spider-Man: No Way Home-ის გამოსვლის შემდეგ ენდრიუ გარფილდის პოპულარულობა გაასმაგდა. ამის მიზეზი მარტივია: მთავარი, რაზეც ფანები ერთხმად თანმხდებიან ისაა, რომ ენდრიუს პიტერ პარკერი ფილმის ნამდვილი ვარსკვლავი იყო.

სპაიდერმენის როლში დაბრუნების შემდეგ ენდრიუმ Entertainment Tonight-თან ინტერვიუში საკუთარ კარიერაზე ისაუბრა. როგორც აღმოჩნდა, მსახიობს, რომელმაც ცოტა ხნის წინ კაცის როლის საუკეთესო შემსრულებლის ნომინაციაში ოქროს გლობუსი მიიღო, 2007 წელს ძალიან უნდოდა, ნარნიას ქრონიკებში პრინცი კასპიანი ეთამაშა, თუმცა როლი ვერ მიიღო, რადგან "საკმარისად მომხიბვლელი არ იყო".

"მახსოვს, როგორი სასოწაკვეთილი ვიყავი. ნარნიას ქრონიკებში პრინცი კასპიანის როლის მისაღებად კასტინგზე მივედი და ვიფიქრე, 'ამიყვანენ, ამიყვანენ', მაგრამ როლი სიმპათიურმა და შესანიშნავმა ბენ ბარნსმა მიიღო. მგონი, ჩვენ ორს შორის უნდა გაეკეთებინათ არჩევანი და მახსოვს, რომ სასოწაკვეთილი ვიყავი", — იხსენებს მსახიობი.

ენდრიუს თქმით, უარის შემდეგ საკუთარ აგენტს მიზეზი ბევრჯერ ჰკითხა და საბოლოოდ პასუხიც მიიღო: "ისინი თვლიან, რომ საკმარისად მომხიბვლელი არ ხარ, ენდრიუ", — უპასუხა აგენტმა.

ენდრიუმ აღნიშნა, რომ საბოლოოდ უკმაყოფილო მაინც არაა, რადგან თვლის, რომ ბენ ბარნსმა როლს თავი შესანიშნავად გაართვა. მართალია, ამაში ყველა ვეთანხმებით, მაგრამ მაინც არ გვასვენებს კითხვა: ნუთუ, მართლა არსებობენ ადამიანები, რომელთა მოხიბვლაც ენდრიუ გარფილდმა ვერ შეძლო?

ამავე თემაზე: