შინაგან საქმეთა სამინისტრომ 1968 წელს დაბადებული თ.მ. ნარკოდანაშაულის ჩადენის ბრალდებით, თბილისში დააკავეს.

შსს-ს მტკიცებით, სამართალდამცველებმა, ბრალდებულის პირადი ჩხრეკისას, ორ შეკვრად დაფასოებული 22,83 გრამი კუსტარულად დამზადებული ნარკოტიკული საშუალება ამოიღეს, რომელიც, ექსპერტიზის დასკვნით, 1,7271 გრამ ჰეროინს შეიცავს.

უწყების განცხადებით, ნარკოლოგიური შემოწმების შედეგად დადგინდა, რომ თ.მ. დაკავებისას ოპიუმის ჯგუფის ნარკოტიკის ზემოქმედების ქვეშ იმყოფებოდა.

ბრალდებული დანაშაულს აღიარებს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ფაქტზე მიმდინარეობს.