ასპინძაში კაცმა 27 წლის ქალს დანით სასიკვდილო ჭრილობები მიაყენა. შემთხვევა წუხელ მოხდა. ამის შესახებ სამხრეთის კარიბჭე ავრცელებს ინფორმაციას.

შინაგან საქმეთა სამინისტროში მომხდარს ადასტურებენ და ამბობენ, რომ ბრალდებული უკვე დაკავებულია. შსს-ს ცნობით, მკვლელობის ჩადენის შემდეგ, მან კიდევ ერთ პირს ბლაგვი საგანი ჩაარტყა თავში. სამხრეთის კარიბჭის ინფორმაციით, დაჭრილის სიცოცხლეს საფრთხე არ ემუქრება.

გამოძიება სისხლის სამართლის კოდექსის 117-ე და 11–108-ე მუხლებით მიმდინარეობს, რაც ჯანმრთელობის განზრახ მძიმე დაზიანებასა და ოჯახში განზრახ ჩადენილ დანაშაულს გულისხმობს.