ამერიკის შეერთებული შტატები გმობს ე.წ. სამხრეთ ოსეთში 9 აპრილს დაგეგმილი ე.წ. რეფერენდუმის ჩატარებას და არ აღიარებს 12 და 26 მარტს აფხაზეთში გამართული ე.წ. არჩევნების შედეგებს.

"აფხაზეთსა და სამხრეთ ოსეთზე ჩვენი პოზიცია მკაფიო და თანმიმდევრულია - ეს რეგიონები საქართველოს შემადგენელი ნაწილებია" - აღნიშნულია აშშ-ის სახელმწიფო დეპარტამენტის მიერ დღეს გავრცელებულ განცხადებაში.

განცხადებაში აღნიშნულია აშშ-ის ურყევი მხარდაჭერა საქართველოს ტერიტორიული მთლიანობისა და სუვერენიტეტის მიმართ.