რამდენიმე თვის წინ გავრცელდა ხმები, რომ ჰოლივუდის ვარსკვლავმა ლინდსი ლოჰანმა ისლამი მიიღო.

ვარაუდს რამდენიმე მიზეზი ჰქონდა, მათ შორის ისიც, რომ მსახიობმა საკუთარი ინსტაგრამიდან ყველა ფოტო წაშალა და სანაცვლოდ ტრადიციული ისლამური მისალმება Alaikum salam დაწერა.

ლინდსის ისლამით დაინტერესებაზე პრესა პირველად მაშინ ალაპარაკდა, როცა მსახიობი ყურანით ხელში დააფიქსირეს.

"ჩემმა ძალიან ახლო მეგობრებმა ყურანი მაჩუქეს, რათა საკუთარი თავი ვიპოვო, ბევრ რამეში გავერკვიო და საბოლოოდ გავიგო, ვინ ვარ", - ამბობდა მაშინ ლინდსი.

ამიერიდან მიზეზებს კიდევ ერთი მიემატება. მსახიობი ამჟამად ტაილანდში ისვენებს, სანაპიროზე კი ფოტოგრაფებმა ის ბურკინით დააფიქსირეს.

აღსანიშნავია ისიც, რომ ლინდსი რამდენიმე თვის წინ სტუმრობდა სირიასა და თურქეთს, რამაც ვარაუდი კიდევ უფრო სარწმუნო გახადა.

მიუხედავად იმისა, რომ პრესა ამ თემაზე აქტიურად საუბრობს, არც ლინდსის და არც მის ოფიციალურ წარმომადგენლებს ამ თემაზე კომენტარი ჯერ არ გაუკეთებიათ.