"გამოაზამთრე" მიუსაფარი ძაღლებისთვის გალფის ახალი პროექტია. კამპანიაში ჩართულია 20-ზე მეტი ენთუზიასტი მოქალაქე, მიუსაფარი ძაღლების მცველები, რომლებსაც შეფარებული ჰყავთ 10-ზე მეტი უსახლკარო ძაღლი და მათზე თავიანთი ხარჯებით ზრუნავენ. აღნიშნული კამპანიის ფარგლებში, გალფი სრულად უზრუნველყოფს შეფარებული ცხოველების კვებას და ძაღლების მცველებს უმაღლესი ხარისხის ძაღლების სპეციალური საკვებით სისტემატურად მოამარაგებს.

შეგახსენებთ, რომ კომპანია გალფმა 2018 წლიდან აიღო პასუხისმგებლობა ავტოგასამართი სადგურების ტერიტორიაზე არსებული უსახლკარო ძაღლების ზრუნვაზე და დღეისათვის საქართველოს მასშტაბით 200-ზე მეტი უსახლკარო ძაღლი ჰყავს შეფარებული. ამასთანავე, ძაღლებისთვის თბილ საცხოვრებელ სახლებს, საკვებსა და გეგმურ ვეტერინარულ მომსახურებას უზრუნველყოფს.