ლელოს ლიდერის, ბადრი ჯაფარიძის განცხადებით, ქვეყანაში "პოლიტიკური დევნის ახალი სეზონია". მისი ინფორმაციით, სწორედ ამ საკითხზე სასაუბროდ იკრიბებიან ოპოზიციური პარტიების ლიდერები.

"პირველ რიგში, მინდა გითხრათ, რომ ეს არის ჩვენი ოპოზიციონერი კოლეგების მიერ ორგანიზებული შეხვედრა, ჩვენი კოალიციური პარტნიორები იყვნენ ორგანიზატორები, ელენე ხოშტარია და მისი მეგობრები. განხილვის საგანი მიმდინარე პოლიტიკური დევნა იქნება, პოლიტიკური მართლმსაჯულება ჩვენს ქვეყანაში", ჩვენ გვაქვს ახლა სეზონი პოლიტიკური დევნის", — ამბობს ის.

მისი თქმით, მედია-მენეჯერებისა და პოლიტიკოსების ერთდროულად მიმდინარე სასამართლო პროცესებს ოპოზიციამ სიმშვიდე, კოორდინირებული მოქმედება და სიმტკიცე უნდა დაუპირისპიროს.

"არამც და არამც ამ ზეწოლამ და პოლიტიკურმა დევნამ ჩვენ არ უნდა დაგვაკარგვინოს წონასწორობა. ასე რომ ვართ მტკიცედ, ვართ მშვიდად, გამოწვევისთვის მზად ვართ", — თქვა მან.

ოპოზიციონერი ლიდერების შეხვედრა ამ წუთებში თბილისი მერიოტში მიმდინარეობს. პარალელურად თბილისის საქალაქო სასამართლოში მთავარი არხის გენერალური დირექტორის, ნიკა გვარამიას საქმის მორიგი პროცესი მიმდინარეობს. გარდა ამისა, ხვალ გაიმართება ხაზარაძე-ჯაფარაზე-წერეთლის საქმის ბოლო სხდომა.