Zunum Aero ამერიკული სტარტაპია, რომელსაც ელექტრო ტრანსპორტის ახალი სიმაღლეების დაპყრობა ახლო მომავალში აქვს დაგეგმილი.

კომპანია ჰიბრიდ თვითმფრინავებს აწარმოებს და მათ ჰაერში გაშვებას მომავალ რამდენიმე წელიწადში აპირებს.

მათი გეგმის მიხედვით, 2020-იანებში აშშ-ს ცაზე უკვე იფრენს 10 - 50 ადგილიანი კომერციული ჰიბრიდი თვითმფრინავები, რომელთაც ერთ გაფრენაზე 1120 კმ.-ს დაფარვა შეეძლებათ, ხოლო 2030-იანებიდან უკვე 1600 კმ.-ზე იფრენენ.

Zunum-ს მხარს უჭერენ და პროექტის განვითარებაში ეხმარებიან Boing და JetBlue.

კომპანიას, გარდა ჰიბრიდი თვითმფრინავების წარმოებისა და ოპერირებისა, აშშ-ს საავიაციო მიმოსვლის შეცვლაც უნდა.

საქმე ისაა, რომ აშშ-ში ბევრი პატარა აეროპორტი არსებობს, რომლებსაც დიდი კომპანიები არ იყენებენ და ამ აეროპორტთა უდიდესი ნაწილი თითქმის უფუნქციოა. ზუნუმი თავისი მარშრუტებით ამ აეროპორტების ათვისებას გეგმავს, რაც, მათი ვარაუდით, მგზავრობის ფასსა და დროს შეამცირებს.