ექსპრეზიდენტ მიხეილ სააკაშვილის დედის, გიული ალასანიას განცხადებით, მის შვილს უკრაინაშიდ დაბრუნების ვარიანტზე ჰკითხა და რისხვა მიიღო. გიული ალასანია გორის სამხედრო ჰოსპიტალში შვილს ცოტა ხსნის წინ შეხვდა.

"ვილაპარაკეთ და ინტერესის გათვალისწინებით გავბედე და ვკითხე უკრაინაში დაბრუნებაზე. მივიღე ისეთი რისხვა, შენ მე ვინ გგონივარო? მე აქ რისთვის ჩამოვედი ჩემს ქვეყანაში, რომ კიდევ სადღაც გავიდეო? მოკლედ, ძალიან არ მოეწონა. ჩემს ქვეყანაში ჩამოვედიო, დამიბრიალა თვალები", — თქვა ალასანიამ ჟურნალისტებთან.

ექსპრეზიდენტი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს. უკრაინაში მცხოვრები სააკაშვილი საქართველოში სექტემბრის ბოლოს, საარჩევნოდ დაბრუნდა, რომლის შემდეგაც ის პირველ ოქტომბერს დააკავეს. დაკავების პირველივე დღიდან მან შიმშილობა გამოაცხადა. შიმშილობა გაგრძელდა გლდანის მე-18 დაწესებულებაშიც, სადაც მისი განცხადებით, მოტყუებითა და იძულებით გადაიყვანეს. სააკაშვილმა შიმშილობა მას შემდეგ შეწყვიტა, რაც იუსტიციის სამინისტრომ გორის სამხედრო ჰოსპიტალში გადაყვანა შესთავაზა.