სახალხო დამცველმა, ნინო ლომჯარიამ ადამიანის უფლებათა საერთაშორისო დღესთან დაკავშირებით 2021 წლის განმავლობაში ქვეყანაში არსებული უფლებრივი მდგომაროება შეაფასა. ერთ-ერთი მნიშვნელოვანი საკითხი, რაზეც მან ყურადღება გაამახვილა მიმდინარე წელს გამოვლენილი უკანონო მოსმენების ფაქტები იყო. სახალხო დამცველის შეფასებით, მოქმედი კანონმდებლობა ამგვარი დანაშაულების რისკებს ზრდის.

"სამწუხაროდ ამ ტიპის უკონტროლო მიყურადების საფუძველს ქმნის მოქმედი კანონმდებლობა, რომელიც უსაფრთხოების ორგანოებს აძლევს მობილური ოპერატორების სერვერებზე უკონტროლო, პირდაპირი მიერთების შესაძლებლობას, რაც აიოლებს უკანონო მიყურადების შესაძლებლობას და ამცირებს მისი გამოვლენის რისკებს. ეს კანონმდებლობა საქართველოს სახალხო დამცველის მიერ გასაჩივრდა საკონსტიტუციო სასამართლოში, რომელმაც საქმის არსებითი განხილვა დაასრულა 2018 წელს, მაგრამ გადაწყვეტილება კვლავ არ მიუღია", — განაცხადა ლომჯარიამ.

10 დეკემბერს, ყოველწლიურად მსოფლიო ადამიანის უფლებათა დაცვის საერთაშორისო დღეს აღნიშნავს. ეს თარიღი 1948 წელს, გაეროს გენერალურ ასამბლეაზე ადამიანის უფლებათა დაცვის საერთაშორისო დეკლარაციის მიღებას ეძღვნება.

გაიგე მეტი: