უკრაინის რადას დეპუტატი, ლიზა იასკო ამბობს, რომ ექსპრეზიდენტი მიხეილ სააკაშვილის პენიტენციურ დაწესებულებაში გადაყვანა მისი მკვლელობის ტოლფასი იქნება, რადგან სააკაშვილი სუსტადაა და მუდმივი მონიტორინგი სჭირდება.

"არ ვიცი, რატომ ამბობენ ექიმები, რომ მიხეილ სააკაშვილის ჯანმრთელობის მდგომარეობა უმჯობესდება, მე მქონდა შესაძლებლობა 3 დღის განმავლობაში მენახა ის და დღეს უარესადაა. დასიებული აქვს სახე და ტანი. გამონაყარი აქვს ტანზე ნერვული მდგომარეობის გამო. აქვს მხედველობის პრობლემები, დაუვარდა ჰემოგლობინი, სუსტადაა. მე ვამჩნევ, რომ ის ცუდადაა. რა თქმა უნდა, ის საწოლიდან დგება, მაგრამ გადაადგილებაზე საუბარი ზედმეტია, სერიოზულად უნდა განვიხილოთ მისი მაჩვენებლები. მე პროგრესი ვერ დავინახე და ეს ყველაფერი მაშფოთებს.

ძალიან საშიში ინფორმაცია ვრცელდება, რამაც ჩემამდეც მოაღწია, რომ სურთ სააკაშვილის გადაყვანა უახლოეს კვირებში პენიტენციურ დაწესებულებაში. ეს, რა თქმა უნდა, წარმოუდგენლად მიმაჩნია. ეს გადაწყვეტილება მკვლელობის ტოლფასი იქნება მიხეილ სააკაშვილისთვის იმიტომ, რომ ადამიანი ძალიან სუსტადაა და მას მუდმივი მონიტორინგი სჭირდება.

მიხეილ სააკაშვილის გეგმაა, რომ საჭიროა ცვლილებები ქვეყანაში. ბევრი აქციაა, ბევრ ადამიანს საპროტესტო აქციებზე აკავებენ და ეს, რა თქმა უნდა, უსამართლობაა. ამას ამბობს მიშა", — აცხადებს იასკო [ფორმულას თარგმანი].

ექსპრეზიდეენტი, მიხეილ სააკაშვილი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს 50-დღიანი შიმშილობის შემდეგ გადაიყვანეს.