IRI-ის საზოგადოებრივი აზრის კვლევის შედეგების მიხედვით, 2017 წლის მარტში მოსახლეობის 71 პროცენტმა, რომ უკმაყოფილოა პოლიტიკური პარტიების საქმიანობით. გამოკითხულთა 70 პროცენტი უკმაყოფილოა ეროვნული ბანკის საქმიანობით. ასევე:

  • მთავრობის საქმიანობით 58 პროცენტია უკმაყოფილო;
  • პარლამენტის საქმიანობით უკმაყოფილოა მოსახლეობის 58 პროცენტი;
  • ადგილობრივი ხელისუფლების საქმიანობით - 54 პროცენტი;
  • სასამართლოს საქმიანობით უკმაყოფილოა 53 პროცენტი;
  • პროკურატურის საქმიანობით გამოკითხულთა 52 პროცენტია უკმაყოფილო;
  • სავაჭრო კავშირების საქმიანობით კმაყოფილია მოსახლეობის 13 პროცენტი, 50 - უკმაყოფილო, 37 პროცენტს კი პასუხი არ აქვს.
  • გუბერნატორების საქმიანობით მოსახლეობის 48 პროცენტია უკმაყოფილო;
  • პრემიერ-მინისტრის ოფისის საქმიანობით გამოკითხულთა 48 პროცენტია უკმაყოფილო;
  • ცენტრალური საარჩევნო კომისიის საქმიანობით უკმაყოფილოა 44 პროცენტი;
  • ომბუდსმენის ოფისის სამქმიანობით უკმაყოფილოა გამოკითხულთა 39 პროცენტი.

საერთაშორისო რესპუბლიკურმა ინსტიტუტმა (IRI) 4 აპრილს გამოაქვეყნა მთელი ქვეყნის მასშტაბით ჩატარებული სოციალური გამოკითხვის შედეგები, რომელიც არაერთ მნიშვნელოვან საკითხს ეხება, მათ შორის ევროკავშირში გაწევრებას, რუსეთთან ურთიერთობებს, ასევე, მოსახლეობის პოლიტიკურ სიმპათიებს.

IRI-მ გამოკითხვა მთელი ქვეყნის მასშტაბით (აფხაზეთისა და სამხრეთ ოსეთის გამოკლებით) ჩაატარა 2017 წლის 22 თებერვლიდან 8 მარტის პერიოდში. პირისპირ ინტერვიუს სახით, სულ გამოიკითხა საქართველოში საარჩევნო ხმის უფლების მქონე 1 501 მუდმივი მაცხოვრებელი, პასუხი გაცემის მაჩვენებელი 69 პროცენტია, ცდომილების ზღვარი კი მერყეობს პლუს-მინუს 2,5 პროცენტით.