მას შემდეგ, რაც HBO-მ Sex and the City-ის ახალი სეზონი დააანონსა, სერიალის ფანები შოუს შესახებ ნებისმიერ დეტალს დიდი ინტერესით ელოდებიან.

თუ ფიქრობთ, რომ თქვენს ცხოვრებას ასაკის მატებასთან ერთად ბრწყინვალება მოაკლდება, კერი და მისი მეგობრები And Just Like That-ის ახალ ტრეილერში დაგარწმუნებენ, რომ ეს ასე სულაც არ არის.

თითქმის ორწუთიან ტრეილერში კერი ტრადიციული მოლოგით საინტერესოდ და ემოციურად გვიყვება, რომ ცხოვრების ნებისმიერი ეტაპი ახალ შესაძლებლობებსა და გამოცდილებას გვთავაზობს.

10-ეპიზოდიანი სერიალიდან პირველი ორი სერია ტელეეკრანებზე 9 დეკემბერს გამოვა, ხოლო დანარჩენი სერიების ნახვა ყოველ ხუთშაბათს იქნება შესაძლებელი. სერიალის რეჟისორი მაიკლ პატრიკ კინგია, რომელმაც მანამდე სექსი დიდ ქალაქში შექმნა.

Sex and the City-ის პრემიერა 1998 წელს შედგა, რომელიც ექვს სეზონსა და ორ ფილმს მოიცავდა. სერიალი ნიუ-იორკში მცხოვრები 30 წელს გადაცილებული ოთხი საუკეთესო მეგობრის ცხოვრებას ასახავდა.

ახალ სერიალში ვიხილავთ, თუ როგორ შეიცვალა შარლოტას (კრისტენ დევისი), კერისა და მირანდას (სინტია ნიქსონი) ცხოვრება. სამწუხაროდ, მათ გვერდით ვიხილავთ სამანტას, რომლის შემსრულებელმა მსახიობმა, კიმ კეტრელმა, შოუში მონაწილეობაზე უარი თქვა.

ფოტო: HBO

გარდა მთავარი როლების შემსრულებლებისა, სერიალში ასევე ვიხილავთ მათ ადრინდელ მეგობრებსა და ძველ საყვარლებს. სერიალში მონაწილეობას იღებენ კრის ნოტი, მარიო კანტონე, ევან ჰენდლერი და გარდაცვლილი უილი გარსონი. And Just Like That-ში ასევე ვიხილავთ სარა რამირესს, ნიკოლ არი პარკერს და კარენ პიტმენს.