კობახიძემ მორიგი "გადაგდება" დააანონსა — დეკანოიძე საკონსტიტუციო ცვლილებეზე
![](http://joey.on.ge/2021/10/30/1635413628.jpg)
ფოტო: ხატია დეკანოიძის ფეისბუქგვერდი
ნაციონალური მოძრაობის წევრის, ხატია დეკანოიძის განცხადებით, ქართული ოცნების თავმჯდომარემ, ირაკლი კობახიძემ მორიგი "გადადგება" დააანონსა. ასე ეხმაურება ის კობახიძის განცხადებას იმაზე, რომ საკონსტიტუციო ცვლილებების აუცილებლობა არ არსებობს და 2%-იანი საარჩევნო ბარიერი მათ "კეთილ ნებაზე იქნება დამოკიდებული".
"ქართული ოცნების რიტორიკა პოლარიზაციაზე ძალინ სასაცილოა, რაც ჩვენს საერთაშორისო პარტნიორებსაც ესმით კარგად. საკონსტიტუციო ცვლილებების მიღების ჩაგდება, რაც შედარებით მცირე პარტიებს საერთოდ პოლიტიკურ პროცესის მიღმა ტოვებს მაღალი პოლარიზაციის ყველაზე აშკარა ხელშეწყობაა. მორიგი "გადაგდება" დაანონსა კობახიძემ", — წერს დეკანოიძე.
შარლ მიშელის შეთანხმების საფუძველზე შემუშავებული კანონპროექტი გულისხმობდა, საკონსტიტუციო ცვლილებებს საარჩევნო ბარიერზე, ფრაქციების შექმნასა და გენერალური პროკურორის არჩევის წესის ცვლილებას. პროექტის მიხევდით, მომავალ ორ საპარლამენტო არჩევნებში ბარიერი ბუნებრივსა და 2%-ს შორის უნდა ყოფილიყო, ხოლო ფრაქციის ჩამოსაყალიბებლად საკმარისი უნდა ყოფილიყო მინიმუმ 4 წევრი, მათ შორის, მაჟორიტარები.
ქართულმა ოცნებამ შარლ მიშელის შეთანხმება ანულირებულად გამოაცხადა. ირაკლი კობახიძემ პარტიის პოლიტსაბჭოსა და უმრავლესობის სხდომის შემდეგ გამართულ ბრიფინგზე გამოაცხადა, რომ შეთანხმებას მხოლოდ ისინი ასრულებდნენ კეთილსინდისიერად, რაც არასწორია. მათი აზრით, 100 დღეში თავი ამოწურა დოკუმენტმა, რომლის გამოც შარლ მიშელი და კრისტიან დანიელსონი საქართველოს არაერთხელ ეწვივნენ და რომლის მიღებაშიც არაერთი ქვეყნის ელჩი იყო ჩართული.
მიშელის დოკუმენტში ასევე გათვალისწინებული იყო, რომ თუ ქართული ოცნება არჩევნებზე 43%-იან ბარიერს ვერ გადალახავდა, რიგგარეშე არჩევნები უნდა დანიშნულიყო.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები