ბარბადოსმა, თითქმის 400 წლის შემდეგ, ბრიტანეთის მონარქიასთან კავშირი გაწყვიტა და ახალი რესპუბლიკა გახდა. ინფორმაციას ამის შესახებ უცხოური მედია, მათ შორის, Reuters ავრცელებს.

გამოცემის ცნობით, ახალი რესპუბლიკის შექმნა დედაქალაქ ბრიჯთაუნში 30 ნოემბრის დადგომასთან ერთად აღნიშნეს — ზუსტად ღამის 12 საათზე ის დროშა, რომელიც ბრიტანეთის დედოფალს წარმოადგენდა დაუშვეს და ეროვნული კულტურული ფონდის აღმასრულებელმა დირექტორმა, კაროლ რობერტს-რეიფერმა ბარბადოსის ახალ კონსტიტუციურ სტატუსზე გადასვლა გამოაცხადა.

როგორ The Guardian წერს, ღონისძიებაზე, რომელსაც პრინც ჩარლზი და რიანაც ესწრებოდნენ, ახალი პრეზიდენტი, სანდრა მეისონი აირჩიეს. მან ფიცი ეროვნული ჰიმნის ფონზე დადო, რომელსაც იქ შეკრებილები ოვაციებით შეხვდნენ.