უკიდურესად პრობლემურია — სოციალური სამართლიანობის ცენტრი ნარკოპოლიტიკაზე ღარიბაშვილის განცხადებაზე
ნარკოპოლიტიკის გამკაცრების შესახებ პრემიერმინისტრ ირაკლი ღარიბაშვილის განცხადებას სოციალური სამართლიანობის ცენტრი უკიდურესად პრობლემურს უწოდებს. არასამთავრობო ორგანიზაციის განცხადებით, ღარიბაშვილის განცხადება, ზრუნვაზე ორიენტირებული პოლიტიკის წახალისების ნაცვლად, ნარკომომხმარებლების სტიგმატიზებასა და საზოგადოებისგან კიდევ უფრო გარიყვას იწვევს, ხოლო ე.წ. სააფთიაქო ნარკომანიის ჭრილში გამოთქმული მოსაზრებები პრობლემის საფუძვლების აღმოფხვრისკენ არ არის მიმართული.
"მივიჩნევთ, რომ უკიდურესად პრობლემურია პრემიერმინისტრის მხრიდან რეპრესიასა და დასჯაზე ორიენტირებულ რიტორიკის გამოყენება", — ნათქვამია განცხადებაში.
მათივე თქმით, პრემიერმინისტრის მიერ დასმული აქცენტი, თითქოს ნარკოპოლიტიკა დღეს საქართველოში ლიბერალურია, რეალობას არ გამოხატავს.
"მართალია, 2015 წლიდან დღემდე, საკონსტიტუციო სასამართლოს მიერ გამოტანილი გადაწყვეტილებების დამსახურებით, ნარკოპოლიტიკა საქართველოში უფრო მეტად ჰუმანური გახდა ვიდრე მანამდე იყო, თუმცა, არსებითად ის კვლავაც დასჯის და სისხლისსამართლებრივ მექანიზმებს ეყრდნობა", — ვკითხულობთ განცხადებაში.
ორგანიზაცია, ასევე, აღნიშნავს, რომ ცალკეული მიმართულებებით — მაგალითად, მარიხუანას მოხმარებაზე ადმინისტრაციული და სისხლისსამართლებრივი სანქციების გაუქმება — სასჯელის შემსუბუქება, ან გაუქმება ზოგადად ნარკოპოლიტიკის ლიბერალიზაციად ვერ ჩაითვლება.
"მით უფრო, რომ სახელმწიფოს ამ დრომდე არ აქვს ქმედითი ღონისძიებები გატარებული ნარკოტიკის მოხმარების პრევენციის კუთხით და კვლავაც ფრაგმენტული და არასაკმარისია ზიანის შემცირებისა და მკურნალობის მიმართულებით არსებული პროგრამები. შესაბამისად, ის, რომ ნარკოტიკის მოხმარება (განსაკუთრებით მოზარდებში) დღეს მნიშვნელოვან სოციალურ გამოწვევას წარმოადგენს, თავისთავად არ უნდა აიხსნას იმით, რომ ბოლო წლებში ცალკეულ ქმედებებზე სასჯელების შემსუბუქება მოხდა. არსებული პრობლემების უპირველესი განმაპირობებელი ფაქტორი სწორედ პრევენციის, ზრუნვის და ზიანის შემცირების მექანიზმების არასაკმარისობა, ან არარსებობაა", — ნათქვამია განცხადებაში.
მათივე თქმით, არაერთი ადგილობრივი და საერთაშორისო ორგანიზაციის კვლევა და კანონმდებლობის ანალიზი ცხადყოფს (მაგალითად, Human Rights Watch-ის 2018 წლის ანგარიში), რომ საქართველოში ზრუნვასა და მკურნალობაზე ორიენტირებული პოლიტიკის გატარება, ფაქტობრივად, მეორეხარისხოვნად არის მიჩნეული.
"გარდა ამისა, პრემიერმინისტრის განცხადებები არ ავლენს ნარკომომხმარებლების მიმართ სტიგმის შემცირების სურვილს. მეტიც, იქმნება შთაბეჭდილება, რომ ეს თემა უმაღლესი პოლიტიკური თანამდებობის პირის მხრიდან მხოლოდ და მხოლოდ პოლიტიკური ინსტრუმენტალიზების მიზნებისთვის გამოიყენება. ეს განსაკუთრებით თვალსაჩინოა იმ ნაწილში, სადაც ირაკლი ღარიბაშვილი ნარკოდამოკიდებული ადამიანების შრომაზე საუბრობს", — ვკითხულობთთ განცხადებაში.
პრემიერმინისტრმა ყურადღება გაამახვილა ე.წ. სააფთიაქო ნარკომანიაზეც, კერძოდ ფსიქოტროპული მედიკამენტების ურეცეპტოდ გაცემის საკითხზე. სოციალური სამართლიანობის ცენტრში აღნიშნავენ, რომ ეს პრობლემა საქართველოში მართლაც დგას, თუმცა საკითხის ისე დასმა, თითქოს ეს ნაკლებად მკაცრი კანონმდებლობის გამო ხდება, გამართლებულად ვერ ჩაითვლება.
"რეცეპტით გასაცემი საშუალებებისა და სააფთიაქო ქსელების კონტროლი მნიშვნელოვან გამოწვევად რჩება, თუმცა, ამ შემთხვევაში, არსებული სანქციების არაეფექტურობაზე მეტად აშკარაა აღსრულების პრობლემები. ამასთანავე, სანქციების კიდევ უფრო გამკაცრება გამოსავალი ვერ იქნება ნარკოდამოკიდებული პირებისთვის — მათთვის, ვინც არსებული ნარკოპოლიტიკის გამო იძულებულია ფსიქოტროპული საშუალებების მოპოვება კანონსაწინააღმდეგო გზებით სცადოს. ჩვენ ვიაზრებთ, რომ ამ სფეროს მომწესრიგებელ კანონმდებლობას თავისთავად შეიძლება ჰქონდეს გამოწვევები, თუმცა სააფთიაქო ნარკომანიის პრობლემის კანონმდებლობის სიმკაცრის პრიზმიდან დანახვა, ნარკომომხმარებლებთან კვლავაც ომის პერსპექტივით მოქმედებაა", — აცხადებს სოციალური სამართლიანობის ცენტრი.
მათივე თქმით, რეალურად, ყურადღება არ ექცევა იმ მიზეზებს, რაც მკურნალობის შესაბამისი სერვისებისა და სახელმწიფოს მხარდაჭერის არარსებობის პირობებში, ნარკომომხმარებლებს ნივთიერებების არალეგალური გზებით მოპოვებისკენ უბიძგებს.
ორგანიზაცია საქართველოს ხელისუფლებას მოუწოდებს არ გამოიყენონ ეს თემა პოლიტიკური მიზნებისთვის და დაიწყონ მსჯელობა რეალურად ჰუმანური, ზრუნვასა და მხარდაჭერაზე ორიენტირებული ნარკოპოლიტიკის შექმნისთვის.
ირაკლი ღარიბაშვილის განცხადებით, არსებული ნარკოპოლიტიკის გადახედვის მომხრეა, რადგან ის საზოგადოებისთვის "აბსოლუტურად მავნებლური და დამაზიანებელია". მისივე თქმით, როგორც სტატისტიკა აჩვენებს, ამ მხრივ ქვეყანაში "კატასტროფული მდგომარეობაა".
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები